Taga 6:14 - Siswati 1996 Bible

¹⁴ Sonkhe sikhatsi sakha emachinga ebubi enhlitiyweni yaso, sisuse nelutfutfuva lwekulwa.

Taga 6:14 Referencias Cruzadas

Tihlabelelo 140:2

bantfu labahlose lokubi etinhlitiyweni tabo. Onkhe emalanga bacubungula emasu etimphi.

Tihlabelelo 140:3

Balola tilimi tabo tibe njengetetinyoka. Sihlungu sato sisemilonyeni yabo. Cabanga.

Tihlabelelo 36:4

Utsi alele abe akha emachinga ekuganga, sewuhamba ngendlela lembi, akakwenyanyi lokubi aphambane nako.

Taga 14:22

Labo labakha emacebo ebubi abeduki yini? Umusa nekwetsembeka kuyawuba kwalabo labanemacebo lamahle.

Taga 16:27

Bantfu lababi bafunana netindlela tekuvisa labanye buhlungu, ngisho nemavi abo avutsa emalangabi ebubi.

Taga 17:20

Umuntfu lonetifiso letimbi angeke aphumelele; kantsi nemuntfu lonelulwimi lolumphacambili uwela etinhluphekweni.

Taga 2:14

labajabula ngekwenta lokubi, bajatjuliswe kwandza kwemacebo,

Taga 21:8

Tindlela talababi tigwegwile; kodvwa tento talabalungile timsulwa.

Taga 22:8

Umuntfu lohlanyela inhlanyelo yebudlova uvuna tingoti nekuhlupheka; kucindzetela kwakhe labanye bantfu kutawuphela.

Taga 24:8

Umuntfu lohlose kwenta lokubi uyawuba neludvumo lolubi.

Taga 3:29

Ungatimiseli ngekwenta lokubi kumakhelwane wakho lohlala ngekukwetsemba.

Taga 3:32

Ngobe umuntfu losidlova usinengiso kuSimakadze, kodvwa labalungile balitsemba lakhe.

Isaya 32:7

Emasu asidlani mabi, wakha emacebo ebubi ekubhubhisa labamphofu ngemanga, ngisho nome sikhalo saloweswele sicotfo.

Isaya 57:20

Kodvwa lababi banjengelwandle loluyalutelako, lwandle lolute kuphumula, lolumagagasi alo akhephuta ludzaka nelubishi.

Hezekeli 11:2

Simakadze wakhuluma kimi, watsi: “Ndvodzana yemuntfu, laba bantfu labakha luzungu lwebubi baphindze beluleke ngalokubi kulelidolobha.

Hoseya 8:7

“Bahlanyela umoya bavune siwunguwungwana. Luhlanga alunaso sishakato; lungeke lusivete sivuno. Kube belungatsela tinhlavu, betive bebangaluphanga.

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

KubaseRoma 16:17

Ngiyanincenga, bazalwane bami, kutsi nicaphele labo lababanga kwehlukana netikhubekiso, baphambane nemfundziso lenayemukela; labo bagegeni.