Taga 31:26 - Siswati 1996 Bible

²⁶ Ukhuluma kuhlakanipha, lulwimi lwakhe lugcwele teluleko temusa.

Taga 31:26 Referencias Cruzadas

Esta 4:4

Esta wakhatsateka kakhulu, nasatjelwa tisebenti kanye netindvuna takhe ngaloko lokwentiwa nguModekhayi. Watfumela timphahla kuModekhayi kutsi atewugcoka, khona atewukhumula lamasaka; kodvwa Modekhayi akazange avume kutemukela, watala.

Esta 5:8

Nangabe inkhosi ingaba nemusa kimi ingiphe sicelo sami, ngicela kutsi iphindze ibuye naHamani kusasa kulelinye lidzili lengitawube ngililungisele bona. Ngitayitjela lapho-ke inkhosi kutsi siyini sicelo sami.”

Taga 10:31

Umuntfu lolungile ukhuluma kuhlakanipha; kodvwa lulwimi lwenkhohliso luyawujutjwa.

Taga 12:18

Emavi lakhulumeke ngebudlabha ahlaba njengesikhali; kodvwa emavi lakhulumeke ngekuhlakanipha ayaphilisa.

Taga 16:24

Emavi lajabulisako afanana neluju, anambitseka kamnandzi aphilise umtimba.

Taga 19:14

Indlu nemcebo lifa lelitfolakala kubatali, kodvwa umfati lohlakaniphile utfolakala kuSimakadze.

Taga 25:15

Ngekubeketela umbusi angancengeka aze avume, nelulwimi lolumnandzi lungatsambisa ematje.

Taga 31:27

Ucaphelisisa konkhe lokwenteka ekhaya lakhe, akavilaphi.

Ingoma Yetingoma 2:14

Tuba lami lelisemifantfwini yemadvwala, etindzaweni tekubhaca emaceleni etintsaba, ngikhombise buso bakho, ungivise neliphimbo lakho; ngobe liphimbo lakho liyanongotela, nebuso bakho buyatsandzeka.

Ingoma Yetingoma 4:11

Tindzebe temlomo wakho tintfontsa kunongotela lokunjengekweluju lwetinyosi, makoti wami. Lubisi neluju kungaphansi kwelulwimi lwakho. Kutsaphuka kwemakha etingubo takho kunjengalokwa kwaseLebanoni.

Malakhi 2:6

Sifundziso lesiliciniso sasisemlonyeni wakhe, kute inkhohliso leyatfolakala etindzebeni temlomo wakhe. Wahamba nami ngekuthula nangebucotfo, wakhipha labanyenti esonweni.

Lukha 1:38

Mariya wase utsi: “Ngiyincekukati yeNkhosi; akwenteke kimi loko, njengobe sewushito.” Yase iyamshiya ingilosi.

Imisebenti yebaPhostoli 18:26

Lo-Apolosi wacala kushumayela ngesibindzi esinagogeni kwatsi kube Phrisila na-Akhwila bamuve, bamtsatsa bamyisa ekhaya bafike bamchazela kahle ngeNdlela yaNkulunkulu.

Imisebenti yebaPhostoli 6:15

Bonkhe lababehleti phansi kuleLiqoqo letiphatsimandla bambukisisa Stefano, babona kutsi buso bakhe base bufana nebengilosi.

Kubase-Efesu 4:29

Akungabe kusaphuma nalinye livi lelibolile emlonyeni wenu, kodvwa kube ngulelilungele kwakha njengalokuswelekile, kuze libavetele umusa labevako.

KubaseKholose 4:5

Tiphatseni ngekuhlakanipha nanisemkhatsini webantfu labangakholwa, bambisisani sikhatsi, niwasebentise kahle ematfuba leninawo.

1 yaPhetro 3:1

Ngalokufananako-ke, nani bafati, tfobelani emadvodza enu, kuze kutsi nakukhona emadvodza langalikholwa livi, nawo azuzeke ngaphandle kwenkhulumo, azuzwe yintfobeko yebafati bawo,

Tikhulu 13:23

Kodvwa umkakhe wamphendvula, watsi: “Kube Simakadze abecondze kusibulala, ngabe akawemukeli lomnikelo wekushiswa nemnikelo walokutinhlavu lovela esandleni setfu, ngabe akasikhombisi tonkhe letintfo, wabuye wasitjela naloku.”