Taga 30:4 - Siswati 1996 Bible

⁴ “Ngubani lowake waya ezulwini waphindze wabuya? Ngubani lophetse imimoya etandleni takhe? Ngubani logocotele emanti ngengubo yakhe? Ngubani lowamisa yonkhe imikhawulo yemhlaba? Ngubani libito lakhe nelendvodzana yakhe? Ungangitjela nje?

Taga 30:4 Referencias Cruzadas

Genesisi 32:29

Jakobe wabuta watsi: “Wena-ke ungubani libito lakho?” Yaphendvula yatsi: “Ufunelani kwati libito lami?” Yase iyambusisa.

Jobe 11:7

“Ungakucondza yini kujula kwetimfihlakalo taNkulunkulu? Ungafinyelela yini emikhawulweni yaSomandla?

Jobe 11:8

Kuphakeme kunemazulu; yini nje longayenta? Kujule kwendlula indzawo yalabafile; yini nje longayati?

Jobe 26:8

Ugocota emanti emafini akhe, noko lawo manti akavuti kulamafu.

Tihlabelelo 135:7

Nguye lokhuphula tinkhungu emikhawulweni yemhlaba. Wenta imibane ilandzelwe yimvula. Ukhipha imimoya etingosini takhe.

Tihlabelelo 2:7

Angimemetele umyalo lowashiwo nguSimakadze kimi, nakatsi: “Wena uyindvodzana yami, lamuhla ngikutele.

Tihlabelelo 22:27

Umhlaba wonkhe uyakukhumbula ugucukele kuSimakadze, yonkhe imindeni netive temhlaba tiyawukhotsama embikwakhe,

Tihlabelelo 24:2

ngobe wakusimisa etikwetilwandle, wakusekela ekujuleni kwemanti.

Tihlabelelo 68:18

Wena, Simakadze, wenyukela entsabeni lendze, watfumba labanyenti labatfunjiwe, wemukele tipho kubantfu, watemukela ngisho nakubo labamelene nawe, kuze uhlale khona wena, Simakadze.

Eksodusi 15:10

Kodvwa wena, Simakadze, uphefumule kwaba kanye, lwandle lwabamita, bacwila sincane selitje naligcumukela emantini lanemandla.

Eksodusi 6:3

Ngabonakala ku-Abrahama, naku-Isaka, nakuJakobe kutsi nginguNkulunkulu Somandla, kodvwa angizange ngibatise lelibito lami lelingcwele, Simakadze.

Isaya 45:18

Ngobe naku lokushiwo nguSimakadze, lowo lowadala emazulu, unguNkulunkulu, lowo lowadala wabumba umhlaba, wawusekela; akazange awudalele kutsi ubete lutfo, kodvwa wawubumbela kutsi uhlale bantfu, utsi: “NginguSimakadze, kute lomunye.

Isaya 53:8

Yaboshwa, yalahlwa ngelicala, yesuswa. Ngubani nje wesitukulwane sayo labenaka kutsi yancunywa eveni lalabaphilako, yashaywa ngenca yesono sebantfu bami?

Isaya 7:14

Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Jeremiya 23:6

Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”

Matewu 11:27

“Konkhe ngikuphiwa nguBabe, kute loyatiko iNdvodzana ngaphandle kweYise, kantsi futsi kute lomatiko uYise ngaphandle kweNdvodzana nalowo iNdvodzana letsandza kumembulela yena.

Lukha 10:22

“Konkhe nginikwe nguBabe. Kute lowatiko kutsi iNdvodzana ingubani ngaphandle kweYise, kantsi kute lowatiko kutsi uYise ngubani ngaphandle kweNdvodzana nalabo iNdvodzana lefuna kumbonakalisa kubo.”

Johane 3:13

Kute lowase wenyukela ezulwini ngaphandle kweNdvodzana yeMuntfu, leyehla ezulwini.

KubaseRoma 10:6

Kodvwa ngekulunga kwekukholwa utsi: “Ungasho enhlitiyweni yakho utsi: ‘Ngubani-ke lotakwenyukela ezulwini?’ ” Loko kusho kwehlisa Khristu.

Dutheronomi 28:58

“Naningawalandzeli ngekunakekela onkhe emavi alomtsetfo labhalwe kulencwadzi, ningalihloniphi nalelibito lenkhatimulo lebabatekako, lelitsi: Simakadze Nkulunkulu wenu,

Dutheronomi 30:12

Awukho etulu esibhakabhakeni, kutsi seningaze nibute nitsi: ‘Ngubani lotakwenyukela ezulwini ayekusetfulela wona asiletsele, khona sitewulalela siwuhloniphe?’

Sembulo 19:12

Emehlo akhe abenjengemalangabi emlilo, enhloko yakhe bekunemichele leminyenti; abenelibito lebelibhaliwe lelingatiwa ngumuntfu ngaphandle kwakhe.

Tikhulu 13:18

Yaphendvula yatsi: “Ungibutelani libito lami? Alicondzakali.”