Taga 3:6 - Siswati 1996 Bible

⁶ Matise kuko konkhe lokwentako, yena uyakucondzisa tindlela takho.

Taga 3:6 Referencias Cruzadas

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

Ezra 7:27

Ezra wakhuluma watsi: “Akadvunyiswe Simakadze, Nkulunkulu wabobabe, lokubekile enhlitiyweni yenkhosi kutsi kuhlonishwe indlu yaSimakadze eJerusalema ngalendlela,

Nehemiya 1:11

Awu, Simakadze, indlebe yakho ayiwuve umthandazo wenceku yakho, iwuve nalomthandazo wetinceku takho letijabulela kuhlonipha Libito lakho. Nika inceku yakho imphumelelo lamuhla ngekuyipha kubonelelwa nekuvelwa ngulombusi.” Ngaleso sikhatsi ngangingumphatsi wesitja senkhosi.

Nehemiya 2:4

Inkhosi yangibuta, yatsi: “Ufuna ngikwenteleni?” Ngavele ngathandaza kuNkulunkulu welizulu,

Nehemiya 7:5

Ngako Nkulunkulu wami wakufaka enhlitiyweni yami kutsi ngihlanganise baholi, netiphatsimandla kanye neluntfu lonkhe kutsi kutewubhaliswa ngemindeni. Ngatfola tincwadzi lekwakubhalwe kuto imindeni yalabo bebafike kwekucala. Naku-ke lengakutfola kubhalwe kuto:

Tihlabelelo 32:8

Simakadze utsi: “Mine ngiyawukufundzisa ngikukhombise indlela lofanele kuhamba ngayo, ngikweluleke, liso lami lingesuki kuwe.

Taga 11:5

Indlela yebantfu labate kusoleka yentiwa ibe ngulebekile ngekutiphatsa kahle kwabo; kodvwa kuwa kwemuntfu lokhohlakele kusungulwa nguye matfupha.

Taga 16:3

Yekelela konkhe lokwentako kuSimakadze, nakanjani tinhloso takho tiyawuphumelela.

Taga 16:9

Umuntfu angayihlela indlela yakhe; kodvwa nguSimakadze locondzisa tinyatselo takhe.

Taga 23:17

Ungahawukeli lutfo etonini, kodvwa yesaba Simakadze ngetikhatsi tonkhe;

Isaya 26:7

Indlela yalolungile ibekile. Awu, wena Locondzile, wenta indlela yalolungile icondze.

Isaya 30:21

Nome nijikela ngesekudla nome ngesancele, tindlebe tenu tiyakuva livi emvakwenu litsi: “Nansi indlela, hambani ngayo.”

Isaya 45:13

Ngiyawuvusa Khuresi ngekulunga kwami; ngiyakwenta tonkhe tindlela takhe ticondze. Uyawulakha kabusha lidolobha lami, akhulule labatfunjiwe bami, kodvwa loko akwente ngaphandle kwentsengo nemvuzo, kusho Simakadze longuSomandla.”

Isaya 48:17

Naku lokushiwo nguSimakadze, uMhlengi wenu, Longcwele waka-Israyeli, utsi: “NginguSimakadze Nkulunkulu wenu, longuyena anifundzisa kutsi ngukuphi lokuncono kunako konkhe kini, lonilayela indlela lekufanele nihambe ngayo.

Jeremiya 10:23

Awu, Simakadze, ngiyati kutsi kute umuntfu lotiphatsele yena imphilo yakhe. Akusiko kwemuntfu kutsi aticondzisele yena tinyatselo takhe.

Jeremiya 42:3

Thandaza ucele kuSimakadze Nkulunkulu wakho kutsi asitjele kutsi sesitakuya kuphi nekutsi kufanele senteni.”

Numeri 9:20

Ngaletinye tikhatsi lelifu lalike libesetikwelithende lekukhontela emalanga lambalwa; abetsi Simakadze angawatjela kutsi akeme, bese ayemisa atsi angawatjela kutsi akahambe, vele atfutse.

1 kubaseKorinthe 10:31

Imphendvulo yami itsi: Nome niyadla, nome niyanatsa, nome nentani-ke lokunye, konkhe akwentelwe ludvumo lwaNkulunkulu.

2 kubaseKorinthe 8:16

Kodvwa akabongwe Nkulunkulu lobeke enhlitiyweni yaThithusi lenshisekelo lenjengeyetfu yekunisita.

KubaseFiliphi 4:6

Ningakhatsateki ngalutfo. Kepha kuko konkhe ticelo tenu atatiwe nguNkulunkulu, ngekukhuleka nekuncusa kanye nekubonga.

KubaseKholose 3:17

Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.

KubaseKholose 3:23

Konkhe lenikwentako, kwenteni ngenhlitiyo, kube shangatsi nentela iNkhosi, hhayi bantfu.

YaJakobe 1:5

Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.

1 Samuweli 30:8

Davide wabuta kuSimakadze watsi: “Ngibacoshe yini labatfumbi? Ngitabakhandza yini?” Simakadze watsi: “Bacoshe, utabakhandza nome kanjani, futsi utawukhona kukubuyisa loku labakutfumbile.”