Taga 3:2 - Siswati 1996 Bible

² ngobe ngiyo letakunika emalanga neminyaka leminyenti ekuphileni kwakho; ikunike nekuchuma.

Taga 3:2 Referencias Cruzadas

1 Emakhosi 3:14

Nawutawuhamba etindleleni tami, uhloniphe netimiso tami nemiyalo yami njengeyihlo Davide, ngiyakukunika nemphilo lendze.”

Jobe 5:26

Uyawuya ethuneni ugcwele emandla, wenelisekile ngebudzala njengetitfungo letibutfwa ngesikhatsi sato lesifanele.

Tihlabelelo 119:165

Bantfu labatsandza umtsetfo wakho banekuthula lokuphelele, kute lokuyawubakhuba endleleni.

Tihlabelelo 128:6

Shangatsi ungaphila uze ukhokhobe, uze ubone nebatukulu bakho. Kuthula akube na-Israyeli.

Tihlabelelo 21:4

Yacela imphilo kuwe, wena wayipha emalanga lamadze phakadze naphakadze.

Tihlabelelo 91:16

Ngiyawumesutsisa ngebudze bemalanga akhe ngimkhombise emandla ensindziso yami.”

Taga 10:27

Kwesaba Simakadze kwandzisa kuphila kwemuntfu; kodvwa iminyaka yalomubi iyancishiswa.

Taga 16:31

Budzala bungumvuzo wemphilo yekulunga; timvu tingumchele walabalungile.

Taga 4:10

Ndvodzana yami, lalela wemukele emavi ami, khona iminyaka yekuphila kwakho itakwandza.

Taga 4:4

babe abengifundzisa atsi: “Shangatsi inhlitiyo yakho ingawabambisisa emavi ami, nemiyalo yami, khona utawuphila.

Taga 9:11

Mine kuhlakanipha, ngitakwandzisa emalanga akho neminyaka yekuphila kwakho.

Isaya 32:17

Sitselo sekulunga siyawuba kuthula nenhlalakahle, umphumela wekulunga uyawuba kuphumula nekulondvoloteka phakadze naphakadze.

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

KubaseRoma 5:1

Njengobe sesentiwe semukeleka kuNkulunkulu kutsi silungile ngekukholwa, sesinekuthula naNkulunkulu ngeNkhosi yetfu Jesu Khristu.

Dutheronomi 11:21

khona kutawutsi emalanga enu newebantfwana benu atewuba madze kulelo live Simakadze lafunga ngalo kubokhokho benu kutsi uyawubanika lona, yingci sibhakabhaka nasisengetulu kwemhlaba.

Dutheronomi 5:32

“Ngako caphelani kwenta loko Simakadze Nkulunkulu wenu laniyale ngako kutsi nikwente; ningacali nijikele ngesekudla nome ngesancele.

1 kuThimothi 4:8

Ngobe kwetayeta umtimba ngekwelula imisipha kunenzuzo kwesikhashana nje, kodvwa kumesaba Nkulunkulu kunenzuzo etintfweni letinyenti, ngobe kucuketse setsembiso semphilo yamanje kanye nesemphilo letako.