Taga 28:4 - Siswati 1996 Bible

⁴ Labo labephula umtsetfo ngemabomu badvumisa lababi; kodvwa labo labahlonipha umtsetfo baphambana nebantfu lababi.

Taga 28:4 Referencias Cruzadas

1 Emakhosi 18:18

Elija waphendvula watsi: “Kute lengimhluphe ngako Israyeli, kodvwa nguwe nemndeni weyihlo. Uyiyekele imiyalo yaSimakadze, wabe sewulandzela boBhali.

1 Emakhosi 18:21

Elija wasondzela embikwesive, wafike watsi: “Kuyawuze kube ngunini solomane nindziyatela emkhatsini wemicondvo lemibili? Nangabe Simakadze anguNkulunkulu, landzelani yena; kodvwa nangabe Bhali anguNkulunkulu, landzelani yena.” Kodvwa sive asizange sikhulume.

Nehemiya 13:15

Ngalawo malanga ngabona emadvodza akaJuda agcobagcoba litje lekuhlutela emagelebisi ngelilanga leliSabatha, bangenisa lokutinhlavu bakwetjatsisa timbongolo, batetfwesa neliwayini, nemagelebisi, nemakhiwa, nayo yonkhe nje leminye imitfwalo. Konkhe loko babekumikisa eJerusalema kuliSabatha. Ngako ngabadvonsa ngendlebe kutsi bangabokutsengisa kudla ngelilanga leliSabatha.

Nehemiya 13:28

Lomunye wemadvodzana aJoyada, umsa wa-Eliyashibi, umPhristi Lomkhulu, abengumkhwenyana waSanbalati, umHoroni. Ngamcosha lapha kimi.

Tihlabelelo 10:3

Lomubi utigabatisa ngetinkhanuko takhe; uyamtusa lohlazisako, yebo, lomubi wedzelela Nkulunkulu.

Tihlabelelo 49:18

Nome umuntfu angatidvumisa abuse asaphila, nome bantfu bangamdvumisa ngebuciko bakhe,

Jeremiya 5:30

“Kwenteke intfo lembi naleshacisako eveni:

Matewu 14:4

Ngobe Johane abetsi kuye: “Akukalungi kutsi wena umtsatse!”

Matewu 3:15

Kodvwa Jesu wamphendvula watsi: “Vuma nyalo, ngobe kufanele sigcwalise kanjalo intsandvo yaNkulunkulu.” Ngako wase uyamvumela.

Matewu 3:7

Kepha watsi nakabona labanyenti bebaFarisi nebaSadusi beta embhabhatisweni, wababuta watsi: “Ntalo yetinyoka, ngubani lonitjele watsi: ‘Balekelani lolulaka lolutako’?

Imisebenti yebaPhostoli 12:22

Bamemeta batsi: “Akusiye umuntfu lona lokhulumako, kepha ngunkulunkulu.”

Imisebenti yebaPhostoli 15:2

BoPawula naBhanabasi baphikisana nabo kuloko, ngako-ke kwase kuncunywa kutsi Pawula naBhanabasi nalabanye base-Antiyokhi kufanele bahambe baye eJerusalema bayewubonana nebaphostoli nebabonisi ngaleyo ndzaba.

Imisebenti yebaPhostoli 19:9

Kodvwa labanye kubo baba lukhuni bangete bavuma kukholwa, bakhuluma kabi ngaleNdlela yeNkhosi embikwabo bonkhe bantfu. Wase uyabashiya Pawula wahamba nebafundzi. Onkhe emalanga waba netinkhulumo aphikisana nabo eHholeni yaThiranusi.

KubaseRoma 1:32

Bayawati umtsetfo waNkulunkulu lotsi bantfu labenta tintfo letinje bafanele kufa, kepha bona abagcini ngekutenta kuphela kodvwa besuka bavumelana nalabo labatentako.

Kubase-Efesu 5:11

Ningahlanganyeli emisebentini yebumnyama, lete titselo, kunaloko niboyeneka ebaleni.

1 kubaseThesalonika 2:2

Kodvwa nome sase sihlushiwe satselwa ngelihlazo eFiliphi, njengobe nani nati, saba nesibindzi kuNkulunkulu wetfu kutsi sishumayele kini liVangeli laNkulunkulu sibhekene nebulukhuni lobukhulu.

1 yaJohane 4:5

Bona belive, ngako-ke nalabakukhulumako kwaseveni, futsi nelive liyabeva.

YaJuda 1:3

Batsandzekako bami, bengitimisele kutsi nginibhalele ngikhulume ngalensindziso lesihlanganyele kuyo. Kodvwa ngibone kunesidzingo lesimatima sekutsi nginibhalele nginikhutsate kutsi nilwele kukholwa lokuphiwe bantfu baNkulunkulu kwaba kanye kwenela, sonkhe tsine lesibakhe.