Taga 28:12 - Siswati 1996 Bible

¹² Nangabe labalungile baba baholi, bonkhe bantfu bayajabula; kodvwa nangabe baholi kuba ngulababi, bantfu baphila ngekubhaca.

Taga 28:12 Referencias Cruzadas

1 Emakhosi 18:13

Ingabe wena, nkhosi yami, awukaze uve yini kutsi mine ngentani ngesikhatsi Jezebeli abulala baphrofethi baSimakadze? Ngabhacisa baphrofethi labalikhulu emigedzeni lemibili, baba ngema-50 kulowo nalowo mgedze, ngangibapha kudla ngibanatsise nemanti.

1 Emakhosi 19:3

Elija wesaba wabalekela kusindzisa imphilo yakhe. Watsi kube efike eBherisheba kulakaJuda, wayishiya lapho inceku yakhe,

2 Tikhronike 7:10

Kwatsi ngelilanga lema-23 ngenyanga yesikhombisa Solomoni wase uyabacitsa bantfu, babuyela emakhaya abo bajabule kakhulu batsakasile etinhlitiyweni tabo ngaloko lokuhle Simakadze labekwentele Davide naSolomoni kanye naso sive sakhe sema-Israyeli.

Taga 11:10

Nakuchuma bantfu labalungile, takhamiti telidolobha labo tiyatsakasa; kantsi nakufa lomubi, wonkhe umuntfu uyajabula.

Taga 28:28

Nakungena bantfu lababi etikhundleni, bantfu bayabhaca; kodvwa nakuwa lababi, labalungile bayaphumelela bahlale etikhundleni.

Taga 29:2

Nakungena bantfu labalungile ebuholini, bantfu bayajabula; kodvwa nakubusa bantfu lababi, bantfu bayakhonona.

Umshumayeli 10:16

Nako kuwe wena live, nangabe sigcili sesigucuke saba yinkhosi yakho, kantsi nebantfwabenkhosi belive lakini badla lidzili ekuseni.

Jeremiya 36:19

Letiphatsimandla tase titjela Bharuki, tatsi: “Wena naJeremiya, hambani niyewubhaca. Akubete namunye umuntfu lowatiko kutsi nikuphi.”

Jeremiya 36:26

Esikhundleni saloko, inkhosi yatfumela boJerameli, umntfwanenkhosi, naSeraya, umsa wa-Azriyeli, naShelemiya, umsa wa-Abdeyeli, kutsi bayewubopha boBharuki, umbhali, naJeremiya, umphrofethi, kodvwa Simakadze abesabafihlile.

Jeremiya 5:1

“Yehlani nenyuka etitaladini taseJerusalema, calatani ndzawo tonkhe nicabange kahle, phenyisisani tonkhe tinkhundla tayo. Naningakhandza nome munye nje umuntfu lowenta tintfo ngekwetsembeka, afune liciniso, ngitalitsetselela lelidolobha.

1 Samuweli 24:11

Buka, babe wami, buka nasi sicephu sengubo yakho sisesandleni sami! Ngijube umphetfo wengubo yakho, kodvwa wena ngangete ngakubulala. Yati kahle-ke nyalo, ucondzisise kutsi mine anginacala lekwenta bubi nelekumelana nawe. Mine angikakoni ngalutfo, kodvwa nguwe longitfungatsela kutsi utengibulala.