Taga 26:24 - Siswati 1996 Bible

²⁴ Umuntfu lotentisako ukhuluma kamnandzi, kantsi enhlitiyweni yakhe ufihle kuyengana.

Taga 26:24 Referencias Cruzadas

Genesisi 34:13

Njengobe Shekhemu abesangcolise Dina, dzadzewabo lamadvodzana aJakobe, wona aphendvula boShekhemu neyise Hamori ngebucili,

2 Samuweli 13:26

Absalomu wamncenga watsi: “Nakungenjalo, ngicela mane kuhambe umnaketfu Amnoni.” Inkhosi yambuta yatsi: “Ufunelani kutsi ahambe nawe?”

2 Samuweli 13:27

Kodvwa Absalomu wachubeka wamncenga, waze wamvumela; Amnoni wahamba nalabanye bantfwabenkhosi.

2 Samuweli 20:9

Jowabe wakhuluma ku-Amasa, watsi: “Unjani, mnaketfu?” Jowabe wadvonsa Amasa ngesilevu ngesandla sakhe sekudla kutsi atemanga.

Nehemiya 6:2

boSanbalati naGeshemu bangitfumelela umlayeto, batsi: “Wota sitewuhlangana nawe kulelinye lalamadolobha etsafeni lase-Ono.” Kodvwa lelo bekulicebo lekungenta silo sengubo.

Tihlabelelo 12:3

Shangatsi Simakadze angatihhumbula letindzebe letitigabatisa kakhulu, ajube lulwimi loluncemphetako.

Tihlabelelo 28:3

Ungangilahli kanye nalababi, ungangilahli kanye nalabenta lokubi, labakhuluma kuthula nabomakhelwane babo, kantsi etinhlitiyweni tabo bamumetse bubi.

Tihlabelelo 41:6

Nakukhona lotengihlola ufike atentise angitsatse ematfoko, kantsi enhlitiyweni yakhe ugaya tiboti ngami, utsi angesuka lapho ayifafate lonkhe live.

Taga 10:18

Umuntfu lofihla inzondo yakhe unemanga, nalowo lowandzisa emanga usilima.

Taga 11:1

Simakadze uyasenyanya sikali lesonakele; kodvwa ujabula ngalabo labasebentisa tikali letisemtsetfweni.

Taga 12:17

Fakazi lowetsembekile ukhuluma bufakazi lobuliciniso; kodvwa fakazi lonemanga wandzisa emanga.

Taga 12:20

Inkhohliso isetinhlitiyweni talabo labahlose lokubi; kodvwa labo labasebentela kutsi kube nekuthula bayawujabula.

Taga 12:5

Emasu alabalungile mahle; kodvwa teluleko talababi tiyedukisana.

Taga 14:8

Kuhlakanipha kwemuntfu locotfo kumholela endleleni lelungile; kodvwa tilima tedukiswa bulima bato.

Taga 23:7

Nawukudla lokudla, kuyawukubamba emphinjeni. Ungamuva atsi: “Dlani, unatse,” kantsi inhlitiyo yakhe ayikho lapho.

Jeremiya 9:4

“Caphelani bangani benu; ningabetsembi banakenu. Ngobe bonkhe bomnakenu banemanga, nabo bonkhe bangani bayayengana.

1 Samuweli 18:17

Sawula wakhuluma kuDavide, watsi: “Nansi indvodzakati yami yematubulo, Merabi. Ngitakwendzisela yona, nawungamane nje uhlehle lapha kimi, ulwe timphi taSimakadze.” Sawula abecabange watsi: “Ngingeke ngisibeke sandla sami etikwakhe. Akabulawe ngemaFilisti.”