Taga 24:7 - Siswati 1996 Bible

⁷ Kucondza kungetulu kwemandla esilima; nase kukhulunywa ngempela, kute lesingahle sikusho silima.

Taga 24:7 Referencias Cruzadas

Jobe 31:21

nangabe ngake ngaphakamisa sandla sami etikwaloyintsandzane, ngati kahle kutsi mine ngiyalalelwa enkhundleni,

Jobe 5:4

Bantfwabaso bakhashane kabi nekuphepha, kute namunye lobemelelako emacaleni asetinkhundleni.

Tihlabelelo 10:5

Lomubi uyaphumelela etindleleni takhe tonkhe ngaso sonkhe sikhatsi. Tehlulelo taNkulunkulu tiphakamele khashane kulomubi, yebo, lomubi uchoshela titsa takhe.

Tihlabelelo 127:5

Ibusisiwe indvodza, lemgodla wayo ugcwele imicibisholo lenjalo. Bangeke bahlazeke nabamelene netitsa tabo emasangweni ekwehlulela.

Taga 14:6

Sedzeleli sifuna kuhlakanipha singakutfoli; kodvwa lwati lutfolakala kalula kumuntfu lonekucondza.

Taga 15:24

Umuntfu lohlakaniphile uhamba ngendlela yekuphila lecondze etulu, khona ateyigwema indlela yekufa leya phansi emangcwabeni.

Taga 17:16

Silima singayicitsa imali sitsenge tifundvo tenhlakanipho; kodvwa kutawusitani nangabe singenangcondvo?

Taga 17:24

Umuntfu lonekucondza utimisela ngekuhlakanipha, kodvwa emehlo esilima acalata yonkhe indzawo.

Taga 17:7

Inkhulumo lenengcondvo ayikabhekeki kuphuma kumuntfu losihhema; kanjalo nemanga akabhekeki kuphuma emlonyeni wemuntfu lozitsile.

Taga 22:22

Umuntfu loweswele ungamphatsi dlephu ngobe abukeka eswele, nalomphofu ungamdleleli ecaleni;

Taga 28:5

Bantfu lababi abacondzi kahle lokulungile kutsi kuyini; kodvwa labo labakhonta Simakadze bakucondzisisa kahle konkhe.

Taga 31:23

Indvodza yakhe iyahlonishwa emasangweni, lapho ingulenye yemalunga emsumphe khona.

Isaya 29:21

labo labenta umuntfu adliwe licala ngeligama linye nje, bambekele lugibe lowo lotsetsa emacala enkhundleni, ngebufakazi bemanga baphambukise umtsetfocotfo, badlelele longenacala.

Isaya 32:6

Ngobe silima sikhuluma bulima, ingcondvo yaso ishikaneka ngalokubi, siphila ngekungamesabi Nkulunkulu, sisakate emanga ngaSimakadze; lolambile simshiya angenalutfo, kutsi nalowomile singamniki emanti.

Amose 5:10

Nine bantfu niyamtondza umuntfu lomelana nebubi benu, nimedzelele umuntfu lokhuluma liciniso lodvwa enkhundleni.

Amose 5:12

Ngobe ngiyati kutsi mangaki emacala enu nekutsi tono tenu tikhulu kangakanani. Niyabacindzetela labalungile, nitsatse imidizo, nemuke labamphofu emalungelo abo etinkhundleni.

Amose 5:15

Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

1 kubaseKorinthe 2:14

Umuntfu wemvelo akakwemukeli lokukwaMoya, ngobe kubulima kuye, futsi angeke akuve, ngobe kuphenyisiswa ngaMoya.