Taga 24:31 - Siswati 1996 Bible

³¹ Kwakunemena wesaphulamshini, nembabatane, nelutsango lwakhona seluwile.

Taga 24:31 Referencias Cruzadas

Jobe 30:7

Babebhonsa ekhatsi emahlatsini njengetimbongolo tesiganga, bahlangane ngetinhloko phasetihlahla,

Jobe 31:40

nakunjalo-ke, akuvumbuke emanyeva kulo esikhundleni sakolo; kuvumbuke lukhula esikhundleni sebhali.” Aphela lapho-ke emavi aJobe.

Taga 13:4

Umuntfu lolivila ufisa lokunyenti agcine angakatfoli lutfo; kodvwa lokhutsele unikwa lokunyenti.

Taga 19:23

Kwesaba Simakadze kuholelana ekuphileni lokwenelisako, umuntfu lonako angeke ehlelwe yingoti.

Taga 20:4

Livila liyehluleka kulima ngesikhatsi lesifanele, nase kuvunwa lona alibuyi nalutfo etsafeni.

Taga 22:13

Livila litsi: “Kunelibhubesi lapha ngaphandle; ngitawutsi ngiyaphuma lingidle.”

Taga 23:21

Tidzakwa netimiti tiphetsa ngebuphuya. Nawuphila ngekulala ungasebenti, uyawugcina wembatsa emanikiniki.

Taga 24:32

Ngatsi kube ngikubone loku, ngafundza nasi sifundvo:

Umshumayeli 10:18

Nangabe umnikati wendlu avilapha, luphahla lwendlu yakhe luyahhibika; kantsi futsi nakayingileka nje, indlu yakhe igcina seyingenela.

Isaya 5:5

Manje-ke senginitjela kutsi ngitakwentani kulesivini sami: Ngitawususa lolutsango lwaso, lesivini sibhujiswe, ngitawuhhihlita nalolubondza lwaso, sinyatselwe phansi.

Isaya 5:6

Ngitawusenta sibe siganga lesingenalutfo, nemvini longatsenwa, nemhlaba waso awuyikulinywa. Kuyawukwena tinchachabutane nemanyeva. Ngitawuyala nemafu kutsi anganisi imvula kuso.”

Jeremiya 4:3

Naku lokushiwo nguSimakadze emadvodzeni akaJuda newaseJerusalema, utsi: “Limani umhlaba wenu longakalinywa, ningahlanyeli nje ekhatsi emanyeveni.

Matewu 13:22

Kuhlanyelwa kwenhlanyelo emanyeveni kusho labalivako livi lembuso, kodvwa tinhlupheko macondzana nalemphilo nelutsandvo lwebunjinga kuyaye kuliminyetele livi bangabe basatsela titselo.

Matewu 13:7

Lenye inhlanyelo yawela emanyeveni, yamila; emanyeva akhula aminyetela titfombo.

KumaHebheru 6:8

Kodvwa nangabe umhlaba umilisa emanyeva netinchachabutane, awunamsebenti walutfo, futsi usengotini yekucalekiswa nguNkulunkulu; nesiphetfo sawo kushiswa ngemlilo.