Taga 24:12 - Siswati 1996 Bible

¹² ungasho kutsi: “Bengingakwati-ke loku,” ngobe Nkulunkulu uyati, ehlulele tinhloso takho. Lowo lokwelusako uyakwati loko. Yena uyawuvuza lowo nalowo njengekwemisebenti yakhe.

Taga 24:12 Referencias Cruzadas

Jobe 34:11

Umuntfu umkhokhela njengaloku entile, ambuyisele njengalokufanele kutiphatsa kwakhe.

Tihlabelelo 121:3

Angeke avume kutsi lunyawo lwakho lushelele, lowo longumlondvoloti wakho aketeli.

Tihlabelelo 121:8

Simakadze uyawulondvolota kuphuma kwakho nekungena kwakho, kusukela manje kuze kube phakadze.

Tihlabelelo 17:3

Uvivinye inhlitiyo yami, wangivakashela utengihlolisisa ebusuku, kepha awutfolanga lutfo lolubi kimi. Nome ngicabange lokubi, kodvwa umlomo wami awuzange ukhulume lokubi.

Tihlabelelo 44:21

Nkulunkulu abengeke akwati yini loko? Ngobe yena wati timfihlo tenhlitiyo.

Tihlabelelo 62:12

nekutsi umusa wakho, Simakadze. Ngobe wena umuntfu umnika umvuzo njengekwemisebenti yakhe.

Tihlabelelo 66:9

Nguye logcina umphefumulo wetfu uphilile, akativumeli tinyawo tetfu kutsi tishelele.

Tihlabelelo 7:9

Ncandza bubi balababi, wakha lolungile, ngobe nguwe Nkulunkulu wekulunga lohlola tingcondvo netinhlitiyo.

Tihlabelelo 94:9

Nguye lowadala indlebe, pho, angehluleka yini kuva? Nguye lowadala liso, pho, angehluleka yini kubona?

Taga 12:14

Lomunye utfola inzuzo ngekukhuluma kwakhe; kantsi lomunye uyitfola ngekusebentisa tandla takhe.

Taga 16:2

Umuntfu angacabanga kutsi tonkhe tindlela takhe tinhle; kodvwa Simakadze wehlulela imicabango yakhe.

Taga 21:2

Yonkhe indlela yemuntfu ibonakala iyinhle emehlweni akhe; kodvwa Simakadze wehlulela inhlitiyo.

Taga 5:21

Tindlela temuntfu tisemehlweni aSimakadze, tonkhe tindlela umuntfu lahamba ngato uyatigadzisisa.

Taga 5:22

Imisebenti yemuntfu lomubi ilugibe, ubanjwa elugibeni lwesono sakhe.

Umshumayeli 5:8

Nawubona lophuyile acindzetelwe endzaweni letsite, asemukwe emalungelo akhe nekwehlulelwa ngebucotfo, kungakumangalisi loko. Lowo nalowo lophetse unemuntfu longetulu kwakhe, kantsi nalowo longetulu kwakhe unemuntfu longetulu kwabo bonkhe.

Jeremiya 17:10

“Mine Simakadze ngiphenya inhlitiyo, ngihlolisise nengcondvo, kuze ngimvuze umuntfu njengekwekutiphatsa kwakhe nanjengekwemisebenti yakhe.”

Jeremiya 32:19

imigomo yakho mikhulu, yebo, nemisebenti yakho inemandla. Emehlo akho avulekile kuto tonkhe tindlela tebantfu; ngulowo nalowo umnika umvuzo wakhe ngangekutiphatsa kwakhe nangalokufanele imisebenti yakhe.

Sililo 3:36

nekudlelela umuntfu lilungelo lakhe lekwehlulelwa ngebucotfo bemtsetfo, kungabe Simakadze angeke yini atibone tintfo letinjengaleto?

Danyela 5:23

Esikhundleni saloko, sewutiphakamisile wamelana naNkulunkulu welizulu. Baletsa letindzebe tasethempelini lakhe kuwe, kwatsi wena netindvuna takho, nemakhosikati akho, nemaphovela akho nanatsa ngato liwayini. Nikhuleke nadvumisa bonkulunkulu besiliva nebegolide, nebelitfusi, nebensimbi, nebetigodvo kanye nebematje labangakwati kubona, nome kuva, nome kucondza. Kodvwa awukamdvumisi Nkulunkulu lophetse kuphila kwakho nato tonkhe tindlela takho esandleni sakhe.

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Imisebenti yebaPhostoli 17:28

Ngobe siphila sihambe sikuye, njengobe sinje, netimbongi takini tishito tatsi: “ ‘Natsi futsi singumliba wakhe.’

KubaseRoma 2:16

NgekweliVangeli lami ngaKhristu Jesu kuyawuba njalo nangalelo langa Nkulunkulu layakwehlulela ngalo lokufihlekile kwebantfu.

KubaseRoma 2:6

Phela Nkulunkulu uyawuvuza wonkhe umuntfu njengekwemisebenti yakhe.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

2 kubaseKorinthe 5:10

Ngobe sonkhe kufanele sime embikwesihlalo saKhristu sekwehlulela, kuze kutsi ngulowo nalowo atekwemukela umvuzo wakhe ngalakwentile, lokuhle nome lokubi, asekulomtimba.

Sembulo 1:18

nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.

Sembulo 2:18

“Bhalela ingilosi yelibandla laseThiyathira utsi: “ ‘Nali livi leliphuma kuye loyiNdvodzana yaNkulunkulu, lonemehlo lavutsako kube shangatsi ngemalangabi emlilo, nalonetinyawo letifanana nelitfusi lelilolongiwe, utsi:

Sembulo 2:23

Bantfwabakhe ngiyawubashaya bafe. Onkhe emabandla ayawukwati kutsi nginguye lophenyisisa ingcondvo nenhlitiyo. Ngulowo nalowo emkhatsini wenu ngiyawumnika njengekwemisebenti yakhe.

Sembulo 22:12

Jesu utsi: “Lalela la, ngiyeta masinyane! Ngita nemvuzo wami, ngitewunika ngulowo nalowo njengekwemisebenti yakhe.

1 Samuweli 16:7

Kodvwa Simakadze wakhuluma kuSamuweli, watsi: “Ungabheki kubukeka nebudze bakhe, ngobe yena ngimalile. Simakadze akabuki tona tintfo letinakwa ngumuntfu. Umuntfu ubuka lingaphandle lemuntfu, kodvwa Simakadze ubuka inhlitiyo.”

1 Samuweli 2:3

Ningasakhulumi kakhulu ngekutiphakamisa; kubete kutiphakamisa lokuphuma emilonyeni yenu. Ngobe Simakadze nguNkulunkulu welwati, ngaye tento tonkhe tiyaphenyisiswa.

1 Samuweli 2:6

Simakadze uyabulala, aphindze aphilise. Wehlisela phansi emadlizeni, aphindze akhuphulele ngetulu.

1 Samuweli 25:29

Nome ngabe kukhona lokucosha ngemuva afuna kukubulala, kuphila kwenkhosi yami Simakadze Nkulunkulu wakho utakuvikela ngekutsi akubophe inyandza kanye nalabaphilako. Kodvwa kuphila kwetitsa takho utakujikijela akulahle khashane njengelitje liphuma esidubulelweni.