Taga 22:17 - Siswati 1996 Bible

¹⁷ Lalelisisa uvisise kahle emavi alabahlakaniphile, ubambisise ngengcondvo lwati lengikuhlephulela lona.

Taga 22:17 Referencias Cruzadas

Tihlabelelo 78:1

Hhawu, sive sami! Lalelani imfundziso yami, nibeke indlebe emavini ami.

Tihlabelelo 90:12

Sifundzise kutsi sikwati kubala emalanga etfu, kuze sibe nenhlitiyo lehlakaniphile.

Taga 1:3

Tifundzisana kuphila ngebucotfo bengcondvo, nekwenta kulunga, nekungakhetsi.

Taga 23:12

Yenta ingcondvo yakho yemukele imiyalo, ulalelisise loko lofundziswa kona.

Taga 24:23

Nati-ke futsi letinye taga talabahlakaniphile: Kubi nangabe umehluleli ehlulela ngekukhetsa.

Taga 3:1

Ndvodzana yami, ungayikhohlwa imfundziso yami, kodvwa inhlitiyo yakho ayigcine imiyalo yami,

Umshumayeli 12:11

Taga tebantfu labahlakaniphile tinemavi lakhalipha njengentjumentju yemelusi, nanjengetipikili letishayelwe tacina, tinjalo taga natihlanganiswe ndzawonye, ngobe bavela kumelusi munye.

Umshumayeli 7:25

Ngase ngijikisela ingcondvo yami ekufunisiseni kwati nasekuphenyisiseni kuhlakanipha nekuhleleka kwetintfo, nasekucondzisiseni bulima bebubi kanye nebuhlanya bebulima.

Umshumayeli 8:16

Ngatsi nangitimisela engcondvweni yami kufunisisa kwati nekuhlakanipha nekutfolisisa kutsi yini umshikashika lowentiwa ngumuntfu emhlabeni, angalali emini nebusuku,

Umshumayeli 8:9

Konkhe loku ngakubona ngisacabangisisa ngako konkhe lokwenteka lapha ngaphansi kwemtfunti welilanga. Sikhona sikhatsi lapho umuntfu usuke atihlisibete etikwalabanye kantsi utilimata yena.

Isaya 55:3

Bekani indlebe, nite kimi; vanini, kuze imiphefumulo yenu itewuphila. Ngitakwenta sivumelwane saphakadze nani, nginiphe tibusiso lengatetsembisa Davide.

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”