Taga 21:4 - Siswati 1996 Bible

⁴ Kutigabatisa nekutiphakamisa sono, loku luphawu lwalababi.

Taga 21:4 Referencias Cruzadas

Jobe 18:5

“Sibane salomubi sicinyiwe, lilangabi lemlilo wakhe alisavutsi.

Jobe 18:6

Kukhanya kwasekhaya lakhe sekubumnyama; sibane lesiseceleni kwakhe siyacisha.

Tihlabelelo 10:4

Lomubi uyatigabatisa, akanaki lutfo, emicabangweni yakhe yonkhe, utsi: “Kute Nkulunkulu.”

Tihlabelelo 101:5

Lowo lohleba makhelwane wakhe emasitseleni mine ngiyawumcitsa. Lowo lonemehlo lachoshile nenhlitiyo letigcabhako angihambisani naye.

Tihlabelelo 131:1

Simakadze, inhlitiyo yami ayitigabatisi, nemehlo ami akaphakanyiswa ngumgcabho. Angitilibatisi ngetintfo letibonakala titinkhulu kimi nome letisimangaliso kakhulu kimi.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 21:27

Imihlatjelo lenikelwa bantfu lababi isinengiso, ikakhulu nayinikelwe ngetinjongo letimbi.

Taga 24:20

ngobe umuntfu lomubi akanalo likusasa lelihle. Bumnyama bodvwa lobummele.

Taga 30:13

Labanye bayatigcabha, bahlala ngekuchukuluta labanye bantfu.

Taga 6:16

Tisitfupha tintfo letenyanywa nguSimakadze, empeleni letisikhombisa uphambene nato kakhulu:

Taga 6:17

Ngemehlo latichenyako, nelulwimi lolucala emanga, nembulali walote licala,

Taga 8:13

Kwesaba Simakadze kukutondza lokubi. Ngiyakutondza kutigcabha, neluchuku, nekutiphatsa dlephu, nebumbulu.

Isaya 10:12

Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.

Isaya 2:11

Emehlo ebantfu labatikhukhumetako ayawutfotjiswa, kutsi kutigcabha kwebantfu kwehliswe; Simakadze yena yedvwa uyawuphakanyiswa ngalelo langa.

Isaya 2:17

Kutiphakamisa kwebantfu kuyakwehliselwa phansi, nekutigcabha kwebantfu kutfotjiswe; Simakadze yena yedvwa uyawuphakanyiswa ngalelo langa,

Isaya 3:16

Simakadze utsi: “Bafati baseSiyoni bayatigcabha; bahamba belule tintsamo, bacwashacwashata ngemehlo abo, nabahambako, bashayela etulu, emacakaleni abo kukhehleta imihlobiso labayigabile.

Lukha 11:34

Liso lakho lisibane semtimba wakho. Nangabe liso lakho likhanya, nemtimba wakho wonkhe unekukhanya; kodvwa nangabe liso lakho lingaboni kahle, nemtimba wakho wonkhe ubasebumnyameni.

Lukha 18:14

Jesu watsi: “Nginitjela kutsi lendvodza lengumtselisi yabuyela ekhaya seyemukelwe nguNkulunkulu kutsi ilungile kunalona lomunye, ngobe phela wonkhe umuntfu lotiphakamisako, uyawutfotjiswa, wonkhe lotitfobako, uyawuphakanyiswa.”

KubaseRoma 14:23

Kodvwa lowo lonekungabata ngalakudlako, sewulahliwe, ngobe ukwenta ngekungakholwa; phela konkhe lokungesiko kwekukholwa, kusono.

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”