Taga 21:16 - Siswati 1996 Bible

¹⁶ Nangabe umuntfu eduka etindleleni tekucondza, usheshe aye kulabafile.

Taga 21:16 Referencias Cruzadas

Tihlabelelo 125:5

Kodvwa labaphambukela etindleleni tabo letimagiligombo Simakadze uyawubacosha kanye nalabenta lokubi. Kuthula akube ku-Israyeli!

Tihlabelelo 49:14

Banjengetimvu letimele kubulawa, babhekene nekufa. Labacotfo bayawubabusa ngemuso, tidvumbu tabo tibole ethuneni, balahlekelwe nangemakhaya abo.

Taga 11:19

Lotimisele kwenta lokulungile uyawuphila; kodvwa loneluphike lwekwenta lokubi uyakufa.

Taga 13:20

Lohambisana nebantfu labahlakaniphile naye ugcina asahlakaniphile; kodvwa umngani wetilima uyawuhlupheka.

Taga 19:16

Umuntfu logcina umyalo waNkulunkulu uyawuphila; kantsi lowedzelela livi uyakufa.

Taga 2:13

labalahla tindlela tekulunga bahambe etindleleni tebumnyama,

Taga 5:23

Uyakufa ngenca yekungatibambi kwakhe; bulima bakhe lobukhulu buyamedukisa.

Taga 9:18

Lendvodza lasayitfumbile ayati kutsi akuyi lolubuyako lapho, nekutsi labangena kuye basemajukujukwini elithuna.

Hezekeli 18:24

“Kodvwa nangabe lolungile agucuka ekulungeni kwakhe ente sono, ente tintfo letifananako netalomubi letisinengiso, utsi kambe lonjalo angaphila? Cha, kute nakunye kwetintfo letinhle latentile lokuyawukhunjulwa. Ngenca yekungetsembeki lasanelicala lako, nangenca yetono layawube asatentile, uyawukufa.

Zefaniya 1:6

nalabo lase bancandzekile bakuyekela kulandzela Simakadze bangete bamfuna Simakadze bangabuti nekubuta kuye.

Kubase-Efesu 2:1

Univusile nani lebenifile ngenca yetiphambuko netono tenu,

KumaHebheru 10:38

Kodvwa lolungile wami ngekukholwa uyawuphila; kodvwa nangabe ahlehla nyova, ngingeke ngimjabulele.”

1 yaJohane 2:19

Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.

YaJuda 1:12

Bayanonela ekudleni kwenu kwebudlelwane bate emahloni ngekumita kwabo. Babogubhela kwesabo. Banjengemafu lapheshulwa ngumoya, abe wona ate imvula. Batihlahla letingatseli titselo, ngisho nangetikhatsi tato, tihlahla letisishulwe netimphandze tato, yebo, batihlahla lese tafa.