Taga 20:28 - Siswati 1996 Bible

²⁸ Umbuso wenkhosi utawuchubeka ume, nangabe ibusa ngekwetsembeka, nangelutsandvo, nangekungakhetsi.

Taga 20:28 Referencias Cruzadas

Tihlabelelo 101:1

Ngiyawuhlabela kuwe, Simakadze, ngibonge umusa wakho nebuhle bakho bekungakhetsi bala.

Tihlabelelo 21:7

Inkhosi yetsembele kuSimakadze, ngenca yesihawu saLosetikwako Konkhe ingeke itanyatanyiswe.

Tihlabelelo 26:1

Hhawu, Simakadze! Ngehlulele, utewubona kutsi ngimsulwa. Ngetsembele kuSimakadze ngaphandle kwekungabata.

Tihlabelelo 40:11

Hhawu, Simakadze, ungangigodleli sihawu sakho; shangatsi umusa wakho, neliciniso lakho, nekwetsembeka kwakho kungangigcina njalonjalo.

Tihlabelelo 61:7

Ebukhoneni bakho, Nkulunkulu, inkhosi ayihlale esihlalweni sebukhosi, ibuse kuze kube phakadze; uyilondvolote ngemusa wakho nangekwetsembeka kwakho.

Taga 16:12

Emakhosi ayakwenyanya kwenta bubi, ngobe umbuso usima ngekwenta lokulungile.

Taga 16:6

Ngekutinikela nekwetsembeka umuntfu uyawutfola kutsetselelwa, ngekwesaba Simakadze umuntfu uyawubalekela lokubi.

Taga 29:14

Nangabe inkhosi iwavikela ngekungakhetsi emalungelo ebantfu labamphofu, iyawubusa sikhatsi lesidze.

Taga 3:3

Ungehlukani nenhlonipho nekwetsembeka; kukhungele entsanyeni yakho, ukubhale etibhelekeceni tenhlitiyo yakho.

Isaya 16:5

bese sihlalo sebukhosi sima ngelutsandvo; nangekwetsembeka kuyawuhlala umuntfu kuso, umuntfu loyawuvela endlini yakaDavide, umehluleli loyakwehlulela ngekungakhetsi, ayisheshisise indlela yekulunga.

Danyela 4:24

“Nansi-ke inchazelo yaleliphupho, wena waphakathi, loku simisomtsetfo lesikhishwe nguLongetulu Kwako Konkhe samelana ngco nenkhosi yami.