Taga 20:22 - Siswati 1996 Bible

²² Ungasho kutsi: “Ngitatiphindziselela ngalokubi;” tsembela kuSimakadze, yena utakulungiselela.

Taga 20:22 Referencias Cruzadas

2 Samuweli 16:12

Mhlawumbe Simakadze uyawukubona kuhlupheka kwami, angivuze ngalokuhle kuletinhlamba lengititfola lamuhla nje.”

Tihlabelelo 27:14

Tsemba kuSimakadze, cina ungadzangali, ube nesibindzi. Yebo, tsemba kuSimakadze.

Tihlabelelo 37:34

Tsemba Simakadze, ugcine indlela yakhe, yena uyawukuphakamisa udle lifa lemhlaba ubone kushabalaliswa kwalababi.

Tihlabelelo 37:40

Simakadze uyabasita abakhulule, ubephula abasindzise kulababi, ngobe babalekela kuye, abe siphephelo sabo.

Taga 17:13

Nangabe umuntfu achubeka kuphindzisela lokuhle ngalokubi, lokubi kungeke kuphindze kuphume endlini yakhe.

Taga 19:11

Umuntfu lonekucondza uyakubamba kutfukutsela kwakhe; nangabe umuntfu amkhuba, kuba ludvumo kuye kumtsetselela.

Taga 20:21

Ingcebo letfolakale ngekushesha igcina ingenasibusiso.

Taga 24:29

Ungasho nekutsi: “Ngitamenta loko langenta kona! Ngitakwenana njengobe enta kimi!”

Isaya 40:31

kodvwa labo labetsembele kuSimakadze batfola emandla lamasha. Bayawukhuphuka ngemaphiko njengetinsweti, bayawugijima bangadzinwa, bayawuhamba bangaphelelwa ngemandla.

Levithikusi 19:18

Ungatibuyiseleli nome ube nemagcubu nebantfwana bebantfu bakini, kodvwa uyawutsandza makhelwane wakho njengobe utitsandza wena. NginguSimakadze.

Matewu 5:39

Kodvwa mine ngitsi kini: Ningamelani nalokubi; umuntfu nakakumukula esihlatsini sangesekudla, mnike nalesi lesinye.

Dutheronomi 32:35

Kuphindzisela kwami; ngimi loyawutibuyiselela. Ngesikhatsi lesikahle lunyawo lwabo luyawushelela. Lilanga labo lekuhlupheka selisedvute, kubhujiswa kwabo kuyabahlasela.”

1 kubaseThesalonika 5:15

Bonani kutsi kubete lophindzisela kulomunye lokubi ngalokubi, kodvwa ngato tonkhe tikhatsi yetamani kwenta lokuhle kubo bonkhe bantfu.

1 yaPhetro 2:23

Kwatsi etfukwa, wangete waphindzisela ngenhlamba; kwatsi ahlushwa, wangete wasongela. Kodvwa watinikela kuNkulunkulu lowehlulela ngekulunga.

1 yaPhetro 3:9

Ningaphindziseli lokubi ngalokubi, nome inhlamba ngenhlamba; kodvwa esikhundleni saloko busisani, ngobe nabitelwa loko kutsi nidle lifa lekubusiswa.

1 yaPhetro 4:19

Ngako-ke labo labahlupheka ngekwentsandvo yaNkulunkulu abachubeke bente lokuhle, babeke imiphefumulo yabo kuMdali lowetsembekile.

1 Samuweli 25:13

Davide wakhuluma kulamadvodza, watsi: “Hlomani tinkemba tenu!” Ngako lamadvodza avele ahloma, naDavide naye wahloma ngeyakakhe. Bekungemadvodza labengaba ngema-400 lenyuka naDavide, kwatsi lawa langema-200 wona asala agadza timphahla.