Taga 19:12 - Siswati 1996 Bible

¹² Intfukutselo yenkhosi ifanana nekubhodla kwelibhubesi; kodvwa umusa wayo ufanana nematfonsi emvula.

Taga 19:12 Referencias Cruzadas

Genesisi 27:28

Shangatsi Nkulunkulu angakunika ematolo asezulwini, avundzise nemasimi akho, akuphe inala yemabele neyeliwayini.

2 Samuweli 23:4

ufanana nekukhanya kwekusa nakuphuma lilanga, lakute khona emafu; unjengekukhanya emvakwemvula lokumilisa tjani emhlabatsini.’

Esta 1:12

Kodvwa tindvuna tenkhosi tatsi tiyamtjela, Vashti wala kuta nato. Inkhosi yatfukutsela yagana sicoco.

Esta 7:8

Watsi asatilahla phansi nje embikwetinyawo tesihlalo sa-Esta, asatsi usetatincengela, yangena inkhosi seyibuya esibuyeni. Yatsi nayimbona enta njalo, yamemeta yatsi: “Kantsi lendvodza seyitawudlwengula umdlunkhulu wami lapha ekhatsi esigodlweni nasembikwami, ngibuka?” Latsi liphuma nje lelo livi enkhosini, tinceku taphutfuma tambonya buso baHamani.

Tihlabelelo 133:3

Kufana nematolo eNtsaba iHemoni, nakehlela eNtsabeni iSiyoni. Kulapho-ke lapho Simakadze ehlisela khona tibusiso takhe, yebo, nekuphila, kuze kube phakadze.

Tihlabelelo 72:6

Shangatsi inkhosi ungayenta ibe njengemvula nayehlela emadlelweni, nanjengemvula nayinisela umhlabatsi.

Taga 20:2

Kutfukutsela kwenkhosi kufanana nekubhodla kwelibhubesi, lowo loyitfukutselisako ulengisela imphilo yakhe ekufeni.

Taga 28:15

Njengelibhubesi lelibhodlako nelibhele lelihhongako, unjalo umbusi lomubi lobusa bantfu labeswele.

Umshumayeli 8:4

Njengobe livi lenkhosi liyabusa, ngubani longasho kuyo atsi: “Yini lena loyentako?”

Isaya 18:4

Naku lokushiwo nguSimakadze kimi: ‘Ngitawuhlala nje ngithule, ngibuke nje ngisendzaweni yami yekuhlala, nakuphakama sivuvu ekushiseni kwelilanga, yebo, sivuvu sematolo lakhuntsisa sivuno.’

Danyela 5:19

Ngenca yesikhundla lesiphakeme lamupha sona, bonkhe bantfu, netive, nebantfu bato tonkhe tilwimi babetfutfumela bamesaba. Labo inkhosi leyayifuna kutsi babulawe, yayibabulala; nalabo leyayifuna kubaphephisa, yayibaphephisa; nalabo leyayifuna kubaphakamisela etikhundleni, yayibaphakamisa; nalabo leyayifuna kubatfobisa, yayibatfobisa.

Danyela 6:24

Inkhosi yakhipha umyalo, kwaletfwa kuyo onkhe lamadvodza labebeke Danyela licala ngekumcalela emanga, ajikijelwa emgodzini wemabhubesi, wona, nabomkawo, kanye nebantfwabawo. Emabhubesi atseleka etikwabo, abadzabudzabula abacedza bangakefiki ngisho nasesiyilweni salomgodzi wemabhubesi, ababhasha ngisho nematsambo abo.

Hoseya 14:5

Ngiyawufanana nematolo ku-Israyeli; uyawuchakaza njengembali. Njengemsedari waseLebanoni uyawutishonisa phansi timphandze takhe;

Mikha 5:7

Ema-Israyeli layawusindza ayawufanana nematolo lahlumelelisako latfunyelwe nguSimakadze etiveni letinyenti, afanane nemvula lenetsa lokumilako. Ayawuncika kuNkulunkulu, hhayi kumuntfu.

Dutheronomi 33:28

Ngako Israyeli uyawuhlala aphephile, umtfombo waJakobe uvikelekile, eveni lemabele neleliwayini lelisha, lapho emazulu ehlisela khona ematolo.