Taga 18:4 - Siswati 1996 Bible

⁴ Emavi lakhulunywa bantfu afanana nemtfombo wekuhlakanipha, ashona njengelwandle, ahlumelelise njengemfula logeletako.

Taga 18:4 Referencias Cruzadas

Tihlabelelo 78:2

Ngitawufundzisa ngemifanekiso, ngikhulume imfihlakalo yasemandvulo.

Taga 10:11

Emavi ebantfu labalungile angumtfombo wekuphila; kodvwa lababi bafihla budlova babo ngekukhuluma kwabo lokunyenti.

Taga 13:14

Timfundziso temuntfu lohlakaniphile tingumtfombo wekuphila, umuntfu timncandza etingibeni tekufa.

Taga 16:22

Kuhlakanipha kungumtfombo wekuphila kulabo labanako; kodvwa kubulima kwetama kufundzisa silima.

Taga 18:3

Sono nekwedzelela kuyahambisana; nawulahlekelwa kutihlonipha, utfola lihlazo esikhundleni sako.

Taga 20:5

Tinjongo tenhlitiyo yemuntfu tifanana nekujula kwemanti emtfombo; kodvwa lonekuhlakanipha angatikhipha.

Matewu 12:34

Nine, ntalo yetinyoka, ningakukhuluma kanjani lokuhle nine nibabi kangaka nje? Ngobe umlomo ukhuluma loko lokugcwele enhlitiyweni.

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

KubaseKholose 3:16

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.

KubaseKholose 4:6

Kukhuluma kwenu akube nemusa ngaso sonkhe sikhatsi, nikunandzise njengeluswayi ekudleni, khona nitekwati lenifanele kubaphendvula ngako bantfu.