Taga 18:16 - Siswati 1996 Bible

¹⁶ Sipho sakhe umuntfu simphendlela indlela, simholele kulabakhulu.

Taga 18:16 Referencias Cruzadas

Genesisi 32:20

Nibotsi: ‘Yebo, Jakobe inceku yakho, ita ngemuva, iyangilandzela.’ ” Jakobe abecabanga atsi uyatincengela ngaletipho ngekutitfumela kucala, khona kutawutsi nakahlangana naye, abe asamcolele.

Genesisi 33:10

Jakobe watsi: “Cha, mnaketfu, ngiyacela nangabe ngemukele umusa emehlweni akho semukele lesipho sami; ngobe kimi kubona buso bakho kunjengekubona buso baNkulunkulu, kakhulu nje ngobe nawe sewungemukele ngemoya lomuhle.

Genesisi 43:11

Israyeli, uyise, wakhuluma kubo watsi: “Nangabe kufanele kube njalo-ke, hambani netipho letititselo telikhetselo talelive, nitifake emasakeni enu, nifike nitiphe lendvodza leniyishoko: nitsatse litsantana lebhalisamu, neleluju lwetinyosi, nelemakha, nelemure, nelemaphisitakhiwo, nelema-alimondi.

2 Emakhosi 5:5

Inkhosi yaseSiriya yaphendvula, yatsi: “Kulungile, hamba. Mine ngitawutfumela incwadzi lena enkhosini yaka-Israyeli.” Ngako Namani wahamba; abephetse isiliva leyayingemakhilogremu labengaba ngema-340, negolide leyayingemakhilogremu labengaba ngema-70, kanye netimphahla tekwembatsa tekuntjintja letilishumi.

Taga 17:8

Umuntfu ubheka kutsi umdizo wakhe usebente njengemlingo, ukholwa kutsi ungamentela nome yini layifunako.

Taga 18:17

Sikhulumi sekucala ecaleni sibonakala shangatsi sicinisile, kuze kufike lomunye asibute.

Taga 19:6

Banyenti labafuna kutsandvwa ngulabakhulu; wonkhe umuntfu ufuna kuba ngumngani wemuntfu lonemvula yetipho.

Taga 21:14

Intfukutselo yemuntfu ungayiphotisa ngekumnika sipho ngasese, nekutfukutsela kwakhe ungakuphotisa ngemdizo wekutfukuswa.

1 Samuweli 16:20

Ngako Jese, watsatsa imbongolo yakhe wayetfwesa tinkhwa netikhumbasikhwama letatigcwele liwayini, nelizinyane lembuti, wakutfumela kanye nendvodzana yakhe, Davide, kuSawula.

1 Samuweli 25:27

Shangatsi lesipho lesiletfwe ngulencekukati yakho enkhosini yayo singanikwa lawo madvodza layilandzelako.