Taga 17:3 - Siswati 1996 Bible

³ Isiliva negolide kuhlolisiswa ngemlilo, kodvwa Simakadze uvivinya tinhlitiyo tebantfu.

Taga 17:3 Referencias Cruzadas

1 Tikhronike 29:17

Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.

Jobe 23:10

Kodvwa yena uyayati indlela lengiyitsatsako; utawutsi angangivivinya, ngiphume sengiyigolide.

Jobe 28:1

“Ukhona umgodzi wekutapa isiliva, yebo, ikhona nendzawo lapho kucengisiswa khona igolide.

Tihlabelelo 139:23

Ngihlolisise, Nkulunkulu, wati inhlitiyo yami! Ngilinge, wati imicabango yami,

Tihlabelelo 26:2

Simakadze, ngihlole ungivivinye, uhlolisise inhlitiyo yami nengcondvo yami.

Tihlabelelo 66:10

Wena Nkulunkulu, usivivinyile, usihlambulule ngekusicenga njengekucengwa kwesiliva emlilweni.

Taga 15:11

Kufa nekubola kusemehlweni aSimakadze. Pho, umuntfu angayifihla kanjani imicabango yakhe kuSimakadze?

Taga 16:2

Umuntfu angacabanga kutsi tonkhe tindlela takhe tinhle; kodvwa Simakadze wehlulela imicabango yakhe.

Taga 17:2

Sigcili lesihlakaniphile siyakhula sibe ngetulu kwendvodzana lekuyimfanayo; lesigcili sigcina sesiyindlalifa kanye nemadvodzana.

Taga 21:2

Yonkhe indlela yemuntfu ibonakala iyinhle emehlweni akhe; kodvwa Simakadze wehlulela inhlitiyo.

Taga 27:21

Isiliva negolide ihlolwa ngemlilo; kodvwa umuntfu uhlolwa ngeludvumo lalunikwa bantfu.

Isaya 48:10

Bukani la, nginicolisisile, noko hhayi njengesiliva; nginivivinyile ngemlilo wetinhlupheko.

Jeremiya 17:10

“Mine Simakadze ngiphenya inhlitiyo, ngihlolisise nengcondvo, kuze ngimvuze umuntfu njengekwekutiphatsa kwakhe nanjengekwemisebenti yakhe.”

Hezekeli 22:18

“Ndvodzana yemuntfu, indlu yaka-Israyeli seyingemanyela kimi; bonkhe sebalitfusi, nemfimfi, nensimbi kanye nemtfofu lokusele ekhatsi embutfumeni yemlilo. Bangemanyela nje esiliva.

Danyela 11:35

Labanye balabahlakaniphile bayawukhubatela, kuze bahlanjululwe ngekucengwa, bangcweliswe, bentiwe bangabi nasici kuze kube sikhatsi sesiphetfo, ngobe sona siyawufika ngesikhatsi lesimisiwe.”

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Dutheronomi 8:16

Wanipha imana kutsi nitewudla ehlane, intfo boyihlo lababengazange sebayati, entela kunitfobisa anivivinye, khona kutawutsi ekugcineni kunihambele kahle.

Dutheronomi 8:2

Khumbulani kutsi Simakadze Nkulunkulu wenu wanihola njani kuyo yonkhe indlela yenu ehlane kuleminyaka lengema-40, wanitfobisa wanivivinya, khona atewukwati lenanikucondzile enhlitiyweni yenu nekutsi nitayigcina yini imiyalo yakhe, nome cha.

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

Sembulo 2:23

Bantfwabakhe ngiyawubashaya bafe. Onkhe emabandla ayawukwati kutsi nginguye lophenyisisa ingcondvo nenhlitiyo. Ngulowo nalowo emkhatsini wenu ngiyawumnika njengekwemisebenti yakhe.