Taga 17:14 - Siswati 1996 Bible

¹⁴ Kususa incabano kufanana nekubhobosa imbobo emantini lavalelwe; kufanele ivalwe lembobo emanti asengakayandzisi.

Taga 17:14 Referencias Cruzadas

2 Samuweli 19:41

Kwesuka onkhe emadvodza aka-Israyeli aya enkhosini, afike atsi: “Nkhosi, kwentiwe yini kutsi bomnaketfu, emadvodza akaJuda, acabange kutsi analo lilungelo lekusemuka wena, akusingatse kanye nendlu yakho, nemabutfo akho akwewete umfula iJordane?”

2 Tikhronike 13:17

Abiya kanye nemasotja akhe behlula ema-Israyeli kakhulu, kangangekutsi kwaze kwafa ema-Israyeli, emadvodza elikhetselo, lati-500 000.

2 Tikhronike 28:6

Ngalanga linye nje Phekha, umsa waRemaliya, wabulala emasotja lati-120 000 akaJuda, ngobe phela Juda abesashiye Simakadze, Nkulunkulu waboyisemkhulu.

Taga 13:10

Ligcabho lichamusela incabano; kodvwa kuhlakanipha kutfolakala kulabo labemukela teluleko.

Taga 14:29

Umuntfu lowephuta kutfukutsela unekucondza lokukhulu; kodvwa umuntfu lonenhlitiyo lencane utibonakalisa kutsi usilima.

Taga 15:1

Imphendvulo letfobekile icitsa intfukutselo; kodvwa leyedzelelako nalenelulaka iyatfukutselisa.

Taga 16:32

Kuncono kuba ngumuntfu lobeketelako kunekuba silwi. Uncono umuntfu lotibambako kunemncobi nemtfumbi wemadolobha.

Taga 17:19

Umuntfu lotsandza kulwa utsandza sono. Umuntfu lotigabatisa ngebunjinga bakhe utibitela kufa.

Taga 19:11

Umuntfu lonekucondza uyakubamba kutfukutsela kwakhe; nangabe umuntfu amkhuba, kuba ludvumo kuye kumtsetselela.

Taga 20:3

Umuntfu longakufuni kulwa uzuza ludvumo; silima sihlala ngekususa lutfutfuva singatibambi.

Taga 25:8

Ungasheshi uye enkantolo ngaloko lokubonile, ngobe nase kuphele lelicala lomunye wafakaza wakwenta silima, utawube sewentani-ke?

Taga 26:21

Emalahle enta umlilo ukhehleke, tinkhuni tivutsisa umlilo, nemuntfu welutfutfuva ubhedla inkhani.

Taga 29:22

Umuntfu losheshe atfuketsele ususa lutfutfuva; yebo, umuntfu lonenhlitiyo lencane ubanga tono letinyenti.

KubaseRoma 12:18

Nakunekwenteka, yentani konkhe lokusemandleni enu kutsi nihlalisane ngekuthula nebantfu bonkhe.

1 kubaseThesalonika 4:11

Timiseleni kuphila ngekuthula, nicaphele lokucondzene nani, nitisebentele nine ngetandla tenu, njengobe sanitjela.