Taga 16:21 - Siswati 1996 Bible

²¹ Umuntfu lohlakaniphile ngenhlitiyo watiwa ngekucondza kwakhe; bumnandzi bemavi akhe benta inkhulumo yakhe yemukeleke.

Taga 16:21 Referencias Cruzadas

1 Emakhosi 3:12

ngitakunika loko lokucelile. Ngitakunika inhlitiyo lehlakaniphile nengcondvo lehlutekile kanye nelwati loluphelele, kangangekutsi akusayikuphindze kube khona lonjengawe, futsi akazange asabekhona kucala kunawe.

Tihlabelelo 45:2

Awusemuhle nekadzeni, uphuma embili, umlomo wakho uphuphuma umusa, ngobe Nkulunkulu ukubusise phakadze naphakadze.

Taga 10:13

Umuntfu lonengcondvo ukhuluma ngekuhlakanipha; kodvwa longenangcondvo udzinga kushaywa.

Taga 10:23

Injabulo yesilima isekwenteni lokubi; kodvwa injabulo yemuntfu lonekucondza isekutfoleni kuhlakanipha.

Taga 10:8

Umuntfu lohlakaniphile uyakwemukela kuyalwa; kodvwa lowo lokhulumela futsi uyawukhubeka, awe.

Taga 15:7

Emavi emuntfu lohlakaniphile andzisa lwati; kodvwa tinhlitiyo tetilima atinjalo.

Taga 16:22

Kuhlakanipha kungumtfombo wekuphila kulabo labanako; kodvwa kubulima kwetama kufundzisa silima.

Taga 23:15

Ndvodzana yami, nangabe unekuhlakanipha enhlitiyweni yakho, inhlitiyo yami iyawujabula.

Taga 27:9

Emakha nemafutsa lanuka kamnandzi ajabulisa inhlitiyo; kodvwa bungani sibili buyawuphakamisa umphefumulo.

Umshumayeli 12:10

bese uphenyisisa kutsi angatimisa kanjani. Abewahlela kahle emavi akhe kuze abe mnandzi, kodvwa loko lakubhala kwakuliciniso lodvwa.

Isaya 50:4

INkhosi Simakadze inginike lulwimi lolufundzisiwe, kuze ngati livi lekucinisa labamadvolo abo asaceka. Ungivusa njalo nje, ekuseni avuse indlebe yami itewulalela, njengemuntfu nakafundziswa.

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Matewu 11:25

Ngaleso sikhatsi Jesu wakhuluma watsi: “Ngiyabonga, Babe, Nkhosi yelizulu nemhlaba, ngobe ukufihlile loku kulabahlakaniphile nalabanekucondza, wakwembula kulabo lababantfwana.

Lukha 4:22

Bonkhe bantfu batsatseka ngaye bamangala ngalamagama lamahle lawakhuluma batsi: “Akusiye umsa waJosefa yini lona?”

Johane 7:46

Tinceku tabaphendvula tatsi: “Kute umuntfu lowake wakhuluma njengalowa muntfu.”

KubaseRoma 16:19

Ngiyajabula ngani ngobe kulalela kwenu kuyatiwa kubo bonkhe. Ngifisa kutsi nihlakaniphe kulokulungile, nibe msulwa kulokungakalungi.

YaJakobe 3:17

Kodvwa kuhlakanipha lokuchamuka ngetulu kwekucala kumsulwa, bese kuba nekuthula, nekutfobeka, nekulalela, kugcwele bubele netitselo letihle; akunalo lubandlululo nekutentisa.