Taga 16:18 - Siswati 1996 Bible

¹⁸ Kutigcabha kwendvulela kufa, nemoya wekutiphakamisa wendvulela kuwa.

Taga 16:18 Referencias Cruzadas

Esta 3:5

Hamani watfukutsela wagaya tiboti, nakabona kutsi Modekhayi akamhloniphi, futsi akamkhotsameli.

Esta 6:6

Ngako Hamani wangeniswa, inkhosi yakhuluma kuye, yatsi: “Kukhona umuntfu lengifisa kumbonga kakhulu. Wena utsi ngingakukhombisa kanjani loko kumbonga kwami?” Hamani wacabanga watsi: “Konje ngubani nje inkhosi lengafisa kumbonga kakhulu ngaphandle kwami?”

Esta 7:10

Ngako Hamani walengiswa kuleso sigodvo bekasigawulele kulengisa Modekhayi. Kutfukutsela kwenkhosi kwabotja.

Taga 11:2

Kutiphakamisa kulandzelwa lihlazo; kodvwa kuhlakanipha kuhambisana nekutitfoba.

Taga 17:19

Umuntfu lotsandza kulwa utsandza sono. Umuntfu lotigabatisa ngebunjinga bakhe utibitela kufa.

Taga 18:12

Umuntfu lotigcabhako uyawubhujiswa, umuntfu lotitfobako uyadvunyiswa.

Taga 29:23

Kutigcabha kwemuntfu kumletsela kuwa; kodvwa lotfobekile utfola kuhlonipheka.

Taga 8:13

Kwesaba Simakadze kukutondza lokubi. Ngiyakutondza kutigcabha, neluchuku, nekutiphatsa dlephu, nebumbulu.

Isaya 37:38

Kwatsi ngalelinye lilanga aselibele kukhonta ethempelini lankulunkulu wakhe Nisroki, kwesuka emadvodzana akhe, bo-Adrameleki naShareseri, bamjuba ngenkemba, besuka lapho babalekela eveni lase-Ararathi. Esahadoni, umsa wakhe, waba yinkhosi yase-Asiriya esikhundleni sakhe.

Jeremiya 49:16

Lokwesabeka kwakho nekukhukhumala kwenhlitiyo yakho kukuyengile, wena lohlala ekhatsi emifantfwini yemadvwala, wena lohlala eticongweni teligcuma. Nome wakha sidleke sakho lapha etulu njengelusweti, kodvwa ngiyawukwehlisela phansi,” kusho Simakadze.

Jeremiya 50:32

“Lotiphakamisako utawukhubatela awe, kute namunye lotamsita amsukumise; ngiyawulumeka umlilo emadolobheni akhe, umlilo loyawudla bonkhe labakhelene naye.”

Hezekeli 28:17

Inhlitiyo yakho yakhukhumuka ngenca yebuhle bakho, wona buhlakaniphi bakho ngenca yekucwebetela kwakho. Ngako ngase ngikulahlela emhlabeni, ngakwenta inhlekisa embikwemakhosi.

Hezekeli 29:9

IGibhithe iyawuba lihlane lelingenamsebenti walutfo. Ngulapho-ke bayawukwati khona kutsi mine nginguSimakadze. “ ‘Njengobe watsi: “INayili ngeyami, ngayenta,”

Danyela 11:12

Kuyawutsi imphi nase itfunjiwe, inkhosi yaseningizimu ikhukhumuke ngeligcabho, ibulale tinkhulungwane ngetinkhulungwane, noko ngeke ihlale ingungcongcoshe.

Danyela 5:22

“Kodvwa wena ndvodzana yakhe, Bhelshasari, awukatitfobi, lite nome bewukwati konkhe loku.

Danyela 5:24

Ngako-ke utfumele lesandla lesibhale lombhalo.

Matewu 26:74

Phetro wacala kuticalekisa nekufunga watsi: “Angimati lomuntfu!” Asasho njalo lakhala lichudze.

Lukha 14:9

Bese lona lonimemile uta kuwe utsi: “ ‘Ase ukhweshele nangu, ahlale lapha.’ Ngako uyawuba nemahloni ngekwehliselwa endzaweni lephansi.

KubaseRoma 11:20

Ucinisile kuloko, ajutjwa ngenca yekungakholwa kwawo, kodvwa wena usime ngekukholwa kwakho. Ngako-ke ungatigabatisi, kodvwa mani ngekwesaba.

1 kuThimothi 3:6

Umbonisi akukafaneli kube ngumuntfu losandza kuphendvuka funa atigcabhe, bese-ke Sathane uyamwisa.

Tikhulu 11:28

Noko inkhosi yema-Amoni ayizange iwunake lombiko wayo lowawutfunyelwe nguJeftha.

1 Samuweli 17:42

Wabuka Davide wambona kutsi usengumfana, abovana, amuhle, wamedzelela.