Taga 16:10 - Siswati 1996 Bible

¹⁰ Inkhosi ikhuluma ngeligunya lasezulwini, tehlulelo tayo atikhetsi.

Taga 16:10 Referencias Cruzadas

Genesisi 44:15

Josefa watsi kubo: “Yini-ke lena leseniyentile? Utsi benati nje kutsi umuntfu lokulesikhundla sami angabona timfihlakalo ngemlingo?”

Genesisi 44:5

Angitsi ngiyo lena lenatsa ngayo, ibuye yembule ngayo konkhe lokufihlakele? Nine nigange kakhulu.’ ”

2 Samuweli 14:16

Mhlawumbe inkhosi itawuvuma kukhulula incekukati yayo esandleni semuntfu lowetama kubhubhisa mine nendvodzana yami asilahlise lelifa Nkulunkulu lasipha lona.’

1 Emakhosi 3:28

Sonkhe sive sema-Israyeli satsi nasiva lesigwebo lesikhishwe yinkhosi, sacalela phansi kuyihlonipha inkhosi, ngobe sabona kahle kutsi inekuhlakanipha kwaNkulunkulu kwekuhola nekwehlulela ngekulunga.

2 Tikhronike 26:16

Kodvwa kwatsi kube Uziya abe nemandla, kutiphakamisa kwakhe kwamdvonsela ekuweni. Akazange etsembeke kuSimakadze Nkulunkulu wakhe; wangena ethempelini laSimakadze washisa imphepho elatini lemphepho.

Tihlabelelo 99:4

Simakadze, nguwe losimise kulunga kwenkhosi letsandza kubusa ngekungakhetsi muntfu; nguwe lowehlisela lokuhle kuJakobe, waletsa kulunga nebucotfo.

Taga 29:4

Inkhosi lebusa ngekulunga, live layo liba nesizotsa; kodvwa lebeka imali embili ibhubhisa live layo.

Hoseya 10:4

Benta tetsembiso letinyenti, bafungele emanga, bente netivumelwane. Ngako kwehlulela emacala kuyahluma njengencatsavane lenebutsi emiseleni yemasimi lalinyiwe.

Amose 5:7

Nine lenigucule imphatfocotfo nayenta yababa, kulunga nakudzaceka phansi emhlabatsini!

Amose 6:12

Emahhashi ayagijima yini emadvwaleni latihhehle? Umuntfu angalima yini khona lapho ngetinkhabi? Kodvwa nine senijikise umtsetfocotfo, nawenta waba butsi, netitselo tekulunga natenta tababa,