Taga 15:1 - Siswati 1996 Bible

¹ Imphendvulo letfobekile icitsa intfukutselo; kodvwa leyedzelelako nalenelulaka iyatfukutselisa.

Taga 15:1 Referencias Cruzadas

2 Samuweli 19:43

Emadvodza aka-Israyeli aphendvula lawa akaJuda atsi: “Tsine phela, tabelo tetfu telive tilishumi, ngako emalungelo etfu ekubanga inkhosi angetulu kwewenu. Manje-ke nisedzelelelani? Ningakhohlwa kutsi ngitsi lesaba bekucala kukhuluma ngekubuyiselwa kwenkhosi yetfu Davide.” Kodvwa emadvodza akaJuda aphendvula ngesikhahlo lesikhulu kakhulu kunalamadvodza aka-Israyeli.

1 Emakhosi 12:7

Labadzala bamphendvula batsi: “Nangabe lamuhla utawuba ngumholi lotfobekile walesive usibuse ngekulunga usinike imphendvulo lekahle, siyawuhlala sitisebenti takho.”

2 Tikhronike 10:7

Laba labadzala bamphendvula batsi: “Nangabe wena utawuba nemusa kulabantfu, ubajabulise, ubanike imphendvulo labayifunako, bayawuhlala batisebenti takho.”

Jobe 41:3

Angatincengela yini kutsi umentele umusa, nome akuncenge ngekukhuluma kamnandzi?

Taga 10:12

Inzondo ibanga kucabana; kodvwa lutsandvo lusibekela tonkhe tono.

Taga 15:18

Umuntfu lonenhlitiyo lencane ususa lutfutfuva; kodvwa umuntfu lobeketelako uletsa kuthula lapho kunembango khona.

Taga 25:15

Ngekubeketela umbusi angancengeka aze avume, nelulwimi lolumnandzi lungatsambisa ematje.

Taga 28:25

Umuntfu loligovu ususa lutfutfuva; kodvwa lowo lowetsemba Simakadze uyawuchuma.

Taga 29:22

Umuntfu losheshe atfuketsele ususa lutfutfuva; yebo, umuntfu lonenhlitiyo lencane ubanga tono letinyenti.

Taga 29:8

Tedzeleli letingenandzaba nebantfu, tingesusa lutfutfuva kuwo onkhe emadolobha; kodvwa bantfu labahlakaniphile baletsa kuthula nelucolo.

Imisebenti yebaPhostoli 19:41

Ngalamavi wawucitsa umhlangano.