Taga 14:3 - Siswati 1996 Bible

³ Ligcabho lesilima livakala enkhulumeni yaso; kodvwa emavi ebantfu labahlakaniphile ayabaphephisa.

Taga 14:3 Referencias Cruzadas

Jobe 5:21

Uyawuvikeleka ekushayweni ngemagama, ungesabi nome kufika imbhubhiso.

Tihlabelelo 12:3

Shangatsi Simakadze angatihhumbula letindzebe letitigabatisa kakhulu, ajube lulwimi loluncemphetako.

Tihlabelelo 31:18

Shangatsi imilomo lecala emanga ingabindziswa, ngobe ihlambalata lolungile, ikhulume ngekutigcabha nangekwedzelela.

Tihlabelelo 57:4

Ngisemkhatsini wemabhubesi, labantfu labashwabudzelanako. Ematinyo awo atikhali nemicibisholo, tilwimi tawo tinkemba letikhaliphako.

Taga 12:6

Emavi ebantfu lababi acotsele kucitsa ingati; kodvwa emavi alabalungile ayabakhulula bantfu.

Taga 13:3

Umuntfu lobamba lulwimi lwakhe ulondvolota kuphila kwakhe; yebo, umuntfu lokhulumela futsi ulandza kuhlupheka.

Taga 14:4

Umuntfu lote tinkhabi uhlala angenalutfo encolobaneni yakhe; kodvwa utawutfola sivuno lesihle nanetinkhabi.

Taga 18:6

Emavi esilima abanga kucabana, naloko lakushoko kumbangela kutsi bantfu bamshaye.

Taga 18:7

Sicitfo sesilima ngumlomo waso; emavi emlomo waso atingibe kuso.

Taga 21:24

Ligama lelitsi “sidvwaladvwala” lisho umuntfu longahloniphi nalotigcabhako, nalongabanaki bantfu.

Taga 22:8

Umuntfu lohlanyela inhlanyelo yebudlova uvuna tingoti nekuhlupheka; kucindzetela kwakhe labanye bantfu kutawuphela.

Taga 28:25

Umuntfu loligovu ususa lutfutfuva; kodvwa lowo lowetsemba Simakadze uyawuchuma.

Danyela 7:20

Ngabuta futsi nangaletimphondvo letatilishumi letatisenhloko yaso, nangalolu lolunye luphonjwana lolwase luyamila, lapho kwatsi letintsatfu takucala tase tiyahhohloka embikwalo, loluphondvo lwalunemehlo nemlomo lowawukhuluma ngekutigabatisa kantsi lwalubukeka lwengama leti letinye.

2 yaPhetro 2:18

Bakhuluma emagama lalite, bayenge ngetinkhanuko nangemanyala labo labasandza kuphunyula kulabedukako.

Sembulo 12:11

Bamehlule ngengati yeliWundlu nangelivi lebufakazi babo, ngobe abakutsandzanga kuphila kwabo kwaze kwabasekufeni.

Sembulo 3:10

Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.

1 Samuweli 2:3

Ningasakhulumi kakhulu ngekutiphakamisa; kubete kutiphakamisa lokuphuma emilonyeni yenu. Ngobe Simakadze nguNkulunkulu welwati, ngaye tento tonkhe tiyaphenyisiswa.