Taga 14:28 - Siswati 1996 Bible

²⁸ Bukhosi benkhosi busime ebunyentini bebantfu labayilalelako; ngaphandle kwebantfu ayikho ikhona.

Taga 14:28 Referencias Cruzadas

2 Samuweli 19:7

Manje-ke phumela ngaphandle ukhutsate emabutfo akho. Ngifunga kuphila kwaSimakadze ngitsi: Nawungaphumi nyalo, litawutsi lishona lamuhla kube kute ngisho nayinye indvodza lotabe usasele nayo. Loku kutaba buhlungu kakhulu kuwe kunato tonkhe tigigaba letake takwehlela kusukela ebusheni bakho kuze kube ngunyalo.”

2 Samuweli 24:3

Kodvwa Jowabe wayiphendvula inkhosi, watsi: “Shangatsi Simakadze Nkulunkulu wakho angawandzisa lamabutfo awaphindze kalikhulu, shangatsi futsi nemehlo enkhosi yami, inkhosi, angakubona loko. Kodvwa ngempela inkhosi yami, inkhosi, ifunelani kwenta intfo lenje?”

1 Emakhosi 20:27

Nema-Israyeli atsi kube ahlome, atsatsa imiphako yawo, aphuma ayawuhlasela. Ema-Israyeli akamba aba ticumbi letimbili njengemihlambi lemibili yetimbuti abhekana nawo, kantsi emaSiriya wona abegcwele lonkhe lelo tsafa.

2 Emakhosi 13:7

Kwase kute lokwase kusele emabutfweni akaJehoyahazi ngaphandle kwebagibeli bemahhashi lababengema-50, netincola temphi letilishumi, nemasotja labeshuca ngetinyawo labeti-10 000. Inkhosi yemaSiriya yayiwabhubhise onkhe lamanye, yawenta aba njengelutfuli lwanakubhulwako.

Eksodusi 1:12

Kodvwa kuwahlupha nekuwacindzetela lama-Israyeli kwawenta andza kakhulu, andza nalo lonkhe live. EmaGibhithe acala kuwesaba ema-Israyeli.

Eksodusi 1:22

Ngako-ke Faro wayala bonkhe bantfu bakhe, watsi: “Lonkhe luswane lwemHebheru lolungumfana lubotsi nalutalwa nilugcumukisele emfuleni iNayili, kodvwa luswane loluyintfombatane niboluyekela luphile.”

Taga 14:27

Kwesaba Simakadze ngumtfombo wekuphila, khona umuntfu atekwati kubalekela tingibe tekufa.

Taga 14:29

Umuntfu lowephuta kutfukutsela unekucondza lokukhulu; kodvwa umuntfu lonenhlitiyo lencane utibonakalisa kutsi usilima.

Jeremiya 13:20

Phakamisani emehlo enu nibone labo labaphuma enyakatfo. Uphi lomhlambi lebewubekwe etandleni tenu, timvu lebenitigabatisa ngato?