Taga 13:22 - Siswati 1996 Bible

²² Lifa lemuntfu lolungile lidliwa titukulwane takhe; kodvwa ingcebo lempongiswa soni igcina ilifa lalabalungile.

Taga 13:22 Referencias Cruzadas

Ezra 9:12

Ngako-ke ningacali nivumele emadvodzakati enu kutsi atekwe ngemadvodzana ato, nemadvodzana enu angawateki emadvodzakati ato. Ningacali nome ngunini nitisekele emnotfweni wato, khona nitewucina nidle tintfo letimnandzi talelive, nilishiyele bantfwabenu kutsi litewuba lifa labo laphakadze naphakadze.’

Tihlabelelo 102:28

Bantfwana betinceku takho bayawuhlala baphephile, intalo yabo ihlale isimiswe embikwakho.”

Tihlabelelo 112:2

Intalo yakhe iyawuba nemandla emhlabeni; situkulwane salabacotfo siyakubusiswa.

Tihlabelelo 128:6

Shangatsi ungaphila uze ukhokhobe, uze ubone nebatukulu bakho. Kuthula akube na-Israyeli.

Tihlabelelo 37:25

Bengingumntfwana, manje sengimdzala, angizange sengimbone lolungile alahliwe, ngisho nebantfwabakhe abahambi bacela kudla.

Taga 17:6

Kubantfu labadzala kungumchele lomuhle kuba nebatukulu; nasetinsizweni kunjalo, boyise baludvumo lwato.

Taga 28:8

Nangabe umuntfu acetjiswa kwebolekisa ngekubita intalo lenkhulu, ingcebo yakhe itakuya kubantfu labaphatsa kahle timphuya.

Umshumayeli 2:26

Nkulunkulu uphana ngekuhlakanipha, nangelwati kanye nangenjabulo kumuntfu lotfokotisa yena, kodvwa soni usinika umshikashika wekubutsisa nekucongelela bunjinga, kuze kunikwe lowo lotfokotisa Nkulunkulu. Nako loko kulite, kufanana nekucosha umoya.