Taga 13:1 - Siswati 1996 Bible

¹ Indvodzana lehlakaniphile iyayitsatsa imiyalo yeyise; kodvwa sedzeleli asiyemukeli imiyalo.

Taga 13:1 Referencias Cruzadas

1 Emakhosi 22:43

Kuko konkhe Jehoshafati wahamba etinyatselweni teyise Asa, akazange aphambuke kuto, wenta lokuhle emehlweni aSimakadze. Noko tindzawo letiphakeme tekukhontela tithico akazange atisuse, ngako bantfu babesachubeka nekwentela kuto imihlatjelo batfuncise netimphepho.

Taga 10:1

Leti-ke taga taSolomoni: Indvodzana lehlakaniphile ijabulisa uyise, kodvwa indvodzana lelibele ikhuba unina.

Taga 12:15

Silima sicabanga kutsi konkhe lokwentiwa ngiso kulungile; kodvwa umuntfu lotsatsa teluleko uhlakaniphile.

Taga 14:6

Sedzeleli sifuna kuhlakanipha singakutfoli; kodvwa lwati lutfolakala kalula kumuntfu lonekucondza.

Taga 15:12

Tihlangananhloko atikufuni kucondziswa, tibalekelana nebantfu labahlakaniphile.

Taga 15:20

Indvodzana lehlakaniphile itfokotisa uyise; kodvwa silima siyamedzelela unina.

Taga 15:5

Silima siyakwedzelela kuyalwa nguyise; kodvwa indvodzana leyemukela kuyalwa inekucondza.

Taga 7:24

Ngako-ke madvodzana ami, ngilaleleni, nilalelisise loku lesengikushito.

1 Samuweli 2:25

Nangabe umuntfu ona kulomunye umuntfu, Nkulunkulu uyammelela; kodvwa nangabe umuntfu ona kuSimakadze, ngubani loyakumncusela?” Kodvwa emadvodzana akazange alitsatse livi leyise; ngobe kwakuyintsandvo yaSimakadze kutsi abulawe.