Taga 11:17 - Siswati 1996 Bible

¹⁷ Umuntfu lonemusa kulabanye utisita yena; kodvwa umuntfu lote sihe utilimata yena.

Taga 11:17 Referencias Cruzadas

Jobe 20:16

Utawumunya lesihlungu setinyoka; abulawe ngematinyo elibululu.

Taga 15:27

Umuntfu lofuna inzuzo ngendlela lembi uletsa kuhlupheka ekhaya lakhe; kodvwa umuntfu lotondza kudizelwa uyawuphila.

Taga 22:9

Lowephanako naye uyawubusiswa, ngobe kudla kwakhe ukudla netimphuya.

Umshumayeli 4:8

Bekunemuntfu labehleti yedvwana, abengenandvodzana ate nemnakabo. Abeshikaneka siphelane ajinge angeneliseki ngebunjinga bakhe, watibuta watsi: “Empeleni ngikhandlekela bani? Ngitemukelani lokujabula?” Nako loko kulite, umsebenti lolusizi!

Isaya 57:1

Lolungile uyabhubha, kubete nalotihluphako ngako enhlitiyweni yakhe. Bantfu labatinikelako bayesuswa, kubete nalokucondzako loko kutsi labalungile bayesuswa, kuze batewuphephiswa kulokubi.

Danyela 4:27

Ngako-ke, wena waphakathi, asemukeleke kuwe leseluleko sami: Yekela tono takho, wente lokulungile, uyekele nekukhohlakala kwakho, ngekutsi ube nemusa kulabo labacindzetelwe. Kungenteka kutsi kuchubeka kahle kwakho nekuphumelela kwakho kuchubekele embili.”

Matewu 5:7

Babusisiwe labanesihawu, ngobe bayawuhawukelwa.

Lukha 6:38

“Phanini, nani nitawuphiwa tipho letingangcingcwa tigcwalise konkhe lebeningaphatsa ngako. Lesilinganiso lenilinganisa ngaso labanye nani Nkulunkulu uyakunilinganisa ngaso.”

KubaseFiliphi 4:17

Akusho kutsi ngifuna sipho, kodvwa ngifuna sitselo saso lesingusona sitakwandzisa inzuzo kini.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.