Taga 11:10 - Siswati 1996 Bible

¹⁰ Nakuchuma bantfu labalungile, takhamiti telidolobha labo tiyatsakasa; kantsi nakufa lomubi, wonkhe umuntfu uyajabula.

Taga 11:10 Referencias Cruzadas

2 Emakhosi 11:20

Bonkhe bantfu balelo live bajabula. Lidolobha laba nekuthula, ngobe phela Athaliya abebhokodzelwe ngenkemba ekhatsi esigodlweni.

2 Tikhronike 23:13

Watsi uyabuka, wabona nanso inkhosi ime eceleni kwensika yayo emnyango, tindvuna nebashayi bemacilongo babesingatse inkhosi, bonkhe bantfu belive bajabula bashaya emacilongo, nebahlabeli baphetse tingubhu, bahamba embili, bahola ngetibongo. Ngako Athaliya wadzabula tingubo takhe, wamemeta watsi: “Ngemavukelambuso! Ngemavukelambuso!”

2 Tikhronike 23:21

Sonkhe sive sajabula. Lidolobha laba nekuthula, ngobe phela Athaliya abesabulewe ngenkemba.

Jobe 27:23

Ushaya tandla umhleke lusulu; uyamhhewula umsuse endzaweni yakhe.”

Eksodusi 15:21

Miriyamu wabahlabelela watsi: “Hlabelani kuSimakadze, ngobe uphakanyiswe kakhulu, lihhashi nemgibeli walo ukujikijele elwandle.”

Taga 11:11

Nangabe bantfu labacotfo babusisa lidolobha, liba neludvumo; kodvwa nakukhuluma lomubi, liyafa.

Taga 28:12

Nangabe labalungile baba baholi, bonkhe bantfu bayajabula; kodvwa nangabe baholi kuba ngulababi, bantfu baphila ngekubhaca.

Taga 28:28

Nakungena bantfu lababi etikhundleni, bantfu bayabhaca; kodvwa nakuwa lababi, labalungile bayaphumelela bahlale etikhundleni.

Taga 29:2

Nakungena bantfu labalungile ebuholini, bantfu bayajabula; kodvwa nakubusa bantfu lababi, bantfu bayakhonona.

Jeremiya 51:48

Ngulapho-ke lizulu nemhlaba nako konkhe lokukuko kuyawumemeta ngenjabulo ngeBhabhulona, ngobe kuyawuchamuka babhubhisi ngasenyakatfo bateyihlasela,” kusho Simakadze.

Tikhulu 5:31

“Yebo, Simakadze, shangatsi tonkhe titsa takho tingabhubha. Kodvwa labo labatsandza wena bangakhanya njengelilanga naliphumako ngemandla alo.” Live laba nekuthula iminyaka lengema-40.