Taga 10:8 - Siswati 1996 Bible

⁸ Umuntfu lohlakaniphile uyakwemukela kuyalwa; kodvwa lowo lokhulumela futsi uyawukhubeka, awe.

Taga 10:8 Referencias Cruzadas

Tihlabelelo 119:34

Ngiphe ingcondvo yekwati umtsetfo wakho, kuze ngiwugcine kahle, ngiwulalele ngenhlitiyo yami yonkhe.

Taga 1:5

Labahlakaniphile batsi bangatilalela kwengeteke lwati lwabo; nalabanengcondvo batsi bangatifundza batente, batfole bungcweti,

Taga 10:10

Umuntfu loficelana liso lebucili uvisana buhlungu; kodvwa losheshe ekhute lokubi usebentela kuthula.

Taga 10:14

Bantfu labahlakaniphile babutsa lwati, kodvwa silima nasikhuluma njalo nje, sibanga ingoti.

Taga 12:1

Umuntfu lotsandza kuyalwa utsandza lwati; kodvwa lotondza kucondziswa usilima.

Taga 12:13

Umuntfu ubanjwa tinkhulumo takhe letimbi; kodvwa lolungile uyasindza enhluphekweni.

Taga 13:3

Umuntfu lobamba lulwimi lwakhe ulondvolota kuphila kwakhe; yebo, umuntfu lokhulumela futsi ulandza kuhlupheka.

Taga 14:23

Kuko konkhe kusebenta matima kunemvuzo; kodvwa labo labalibala kukhulumela futsi bahlala beswele.

Taga 14:8

Kuhlakanipha kwemuntfu locotfo kumholela endleleni lelungile; kodvwa tilima tedukiswa bulima bato.

Taga 9:8

Ungaseluleki sedzeleli, ngobe sitakutondza; yeluleka lohlakaniphile, yena utakutsandza.

Taga 9:9

Nawuyala umuntfu lohlakaniphile, utawusuka ahlakaniphe kakhulu; nawufundzisa umuntfu lolungile, yena usuka engete kulokufundza kwakhe.

Umshumayeli 10:12

Emavi laphuma emlonyeni wemuntfu lohlakaniphile amentela ludvumo, kodvwa silima sidliwa tindzebe taso.

YaJakobe 3:13

Ngubani lohlakaniphile nalocondzisisako emkhatsini wenu? Akakhombise imphilo yakhe lelungile ngemisebenti yakhe ngekutfobeka lokunenhlakanipho.