Taga 10:19 - Siswati 1996 Bible

¹⁹ Kukhuluma lokunyenti kubanga kona, ngako umuntfu lohlakaniphile uyawabamba emavi akhe.

Taga 10:19 Referencias Cruzadas

Jobe 11:2

“Onkhe lamavi kufanele angaphendvulwa yini? Lomuntfu lokhuluma kangaka angatsetselelwa yini?

Tihlabelelo 39:1

Ngacabanga ngatsi: “Ngiyawunakekela tindlela tami, kuze ngingoni ngelulwimi lwami, umlomo wami ngiyakuwufaka sifonyo, yingci nangisesembikwalomubi.”

Taga 11:12

Umuntfu longenangcondvo umbukela phansi makhelwane wakhe; kodvwa umuntfu lohlakaniphile uyalubamba lulwimi lwakhe.

Taga 11:13

Ndzabakatibutwa wembula timfihlo; kodvwa umuntfu lowetsembekile uyatilondvolota.

Taga 12:23

Umuntfu lohlakaniphile uyalufihla lwati lwakhe; kodvwa tilima tikubeka ebaleni kungati kwato.

Taga 18:21

Lulwimi lunemandla ekuphila newekufa; labo labatsandza kulusebentisa bayakudla titselo talo.

Umshumayeli 5:1

Caphela tinyatselo takho, nawuya endlini yaNkulunkulu. Ngobe kuncono kusondzela nekulalela kunekutsi unikele ngemhlatjelo wetilima, letingati kutsi ngekwenta loko tiyona.

Umshumayeli 5:2

Ungasheshi ukhulume ngemlomo wakho, ungabi nematata enhlitiyweni yakho kutsi ukhulume nome yini kuNkulunkulu. Nkulunkulu usezulwini, wena usemhlabeni, ngako emavi akho akabe mbalwa.

Umshumayeli 5:3

Njengobe liphupho likuhlasela nawuneminako leminyenti, kanjalo nenkhulumo yesilima ibonakala ngemavi lamanyenti.

YaJakobe 1:19

Bazalwane bami labatsandzekako, khumbulani naku: Ngulowo nalowo muntfu akasheshe kuva, ephute kukhuluma, ephute nekutfukutsela;

YaJakobe 3:2

Ngobe sonkhe siphosisa ngetindlela letinyenti; nakukhona longaphosisi ngekukhuluma, lowo uphelele ngempela, ngobe uyakwati kubamba ngisho nemtimba wakhe wonkhe shangatsi ngematomu.