Taga 10:15 - Siswati 1996 Bible

¹⁵ Umcebo wesicebi uyinqaba yaso; buphuya buletsa ingoti eluphuyeni.

Taga 10:15 Referencias Cruzadas

Tihlabelelo 49:6

labatsembele badzimate bachosha ngebunyenti bengcebo yabo?

Tihlabelelo 52:7

“Ase nibuke, naso phela sichwaga lesingazange simente Nkulunkulu abe yinqaba yaso, kodvwa setsembela ebunyentini bengcebo yaso, sifuna kuba nemandla ngebunyoka baso.”

Taga 14:20

Luphuya alutsandvwa ngisho nangumakhelwane walo; kodvwa sicebi sitsandvwa bantfu labanyenti.

Taga 18:11

Ingcebo yemuntfu lonjingile siphephelo sakhe. Uyaye acabange kutsi nguyona nqaba yakhe lengamvikela.

Taga 19:7

Nangabe umuntfu alahlwa bomnakabo ngenca yebuphuya bakhe, nakanjani nebangani bakhe batambalekela. Angetama kubawunga ngemavi, kodvwa angeke aphumelele.

Umshumayeli 7:12

Kuhlakanipha kuyintfo yekukhosela njengobe nemali kuyintfo yekukhosela, kodvwa buhle belwati kutsi: Kuhlakanipha kuyawulondvolota kuphila kwemnikati wako.

Jeremiya 9:23

Naku lokushiwo nguSimakadze, utsi: “Lohlakaniphile akangatigabatisi ngekuhlakanipha kwakhe, kanjalo nemuntfu lonemandla akangatigabatisi ngemandla akhe, kanjalo futsi nemuntfu lonjingile angatigabatisi ngebunjinga bakhe.

Makho 10:24

Bafundzi bakhe bamangala ngalawo mavi akhe. Kodvwa Jesu waphindze watsi kubo: “Bantfwabami, kumatima kungena embusweni waNkulunkulu.

Lukha 12:19

bese ngikhuluma ngedvwana ngitsi: Cha, senginetimphahla lengitibekele tona teminyaka leminyenti; angikhululeke, ngidle, nginatse, ngijabule!’

1 kuThimothi 6:17

Yala labacebile kulelive lamanje kutsi bangatikhukhumeti, bangabeki nematsemba abo kulomcebo lophelako, kodvwa bawabeke kuNkulunkulu losipha konkhe ngalokuphelele, kuze sitfokote ngako.