Taga 1:27 - Siswati 1996 Bible

²⁷ nase nifikelwe kutfutfumela lokunjengesiphepho, nesigemegeme lesinjengesihhushuhhushu, nekudzangala kanye nekudzabuka.

Taga 1:27 Referencias Cruzadas

Jobe 27:9

Nkulunkulu utakuva yini kukhala kwakhe, nasahlaselwa lusizi nenhlupheko?

Tihlabelelo 58:9

Ngekutumeka lokukhulu Nkulunkulu uyawubaphephula bonkhe lababi, ababhubhise, njengelibhodo lelitsi lisandza kubekwa nje etiko, lisengakawuva nalowo mlilo, kufike umoya lomkhulu uphephule letinkhuni, nome tomile nome timanti.

Isaya 17:13

Naloku tive tihokoma njengekuhokoma kwemabhudlo emanti, Nkulunkulu nakabatsetsisa, babaleka baye khashane, bapheshulwe emoyeni njengemakhoba, nakaphephuka etulu emagcumeni, nanjengelukhula loluzushuniwe, nalukhukhulwa sihhuhhula semoya.

Jeremiya 23:19

Buka la, sivunguvungu saSimakadze sitawubhamuka ngelulaka lwakhe, siwunguwungwana lesihhushako sehlele etinhloko talababi.

Nahume 1:3

Simakadze akasheshi atfukutsele, kodvwa unemandla lamakhulu. Simakadze angeke ahlale angabajezisi labanelicala. Indlela yakhe isesiwunguwungwini nasesivunguvungwini; emafu alutfuli lwetinyawo takhe.

KubaseRoma 2:9

Kuyawuba khona kuhlupheka nebuhlungu lobumatima kubo bonkhe bantfu labenta lokubi, kucale kumaJuda bese kulandzela betive.

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.