Sililo 5:2 - Siswati 1996 Bible

² Lifa letfu selijikisiwe lanikwa bafokati, nemakhaya etfu anikwa bachamuki.

Sililo 5:2 Referencias Cruzadas

Tihlabelelo 109:11

Shangatsi konkhe lanako kungadliwa ngumtjelekisi; shangatsi titfukutfuku takhe tingadliwa bafokatana.

Isaya 1:7

Live lenu selilihlane, emadolobha enu asashiswe ngemlilo; bachamuki batsatsa sivuno semasimi enu embikwenu nibuka. Live lenu selilihlane, labhujiswa ngabo.

Isaya 5:17

Timvu tiyakudla kube shangatsi ngusemadlelweni ato; emazinyane etimvu ayakudla emkhatsini wetindzala talabanjingile.

Isaya 63:18

Kwaba sikhashana nje sive sakho saba tindlalifa tendzawo yakho lengcwele, kodvwa nyalo titsa tetfu setiyinyatsele phansi indlu yakho lengcwele.

Jeremiya 17:4

Ngenca yemacala enu niyawulahlekelwa lifa lenganinika lona. Ngitanigcilata ngetitsa tenu eveni leningalati, ngobe niluchukulutile lulaka lwami, futsi lutanivutsela phakadze naphakadze.”

Jeremiya 6:12

Tindlu tabo tiyawunikwa labanye, konkhe kanye nemasimi abo nebafati babo, nangiphindza ngelula sandla sami kulabo labahlala kulelo live,” kusho Simakadze.

Hezekeli 7:21

Ngiyawukunikela konkhe kube yimphango yebetive nentfo lephangwe ngulababi bemhlaba, futsi bayawukungcolisa.

Hezekeli 7:24

Ngiyawuletsa tive letimbi kakhulu kutsi titewutsatsa tindlu tabo; ngiyawukucedza kutigabatisa kwalabanemandla, netindzawo tabo lekutsiwa tingcwele tiyawungcoliswa.

Hoseya 8:7

“Bahlanyela umoya bavune siwunguwungwana. Luhlanga alunaso sishakato; lungeke lusivete sivuno. Kube belungatsela tinhlavu, betive bebangaluphanga.

Hoseya 8:8

Israyeli umitiwe, manje sewusemkhatsini wetive njengentfo lengenamsebenti.

Zefaniya 1:13

Ingcebo yabo iyawuphangwa, netindlu tabo tibhidlitwe. Bayawukwakha tindlu, kodvwa bangahlali kuto; bayawuhlanyela tivini, kodvwa bangalinatsi liwayini lato.”