Sililo 5:1 - Siswati 1996 Bible

¹ Awu Simakadze! Khumbula kutsi kwentekeni kitsi. Buka ulibone lihlazo letfu.

Sililo 5:1 Referencias Cruzadas

Nehemiya 1:3

Bangiphendvula batsi: “Insali yalesifundza leyasindza ekutfunjweni, isekuhluphekeni lokukhulu nasekuhlazweni. Lubondza lwaseJerusalema luhhihlitelwe phansi; nemasango ayo ashiswa ngemlilo.”

Nehemiya 1:8

“Khumbula umyalo wakho lowasinika wona ngaMosi lotsi: ‘Nangabe ningaketsembeki, ngiyawunisakatela etiveni ngetive;

Nehemiya 4:4

Ngathandaza ngatsi: “Awu Nkulunkulu wetfu, vani kutsi basiphukuta kanganani. Yenta lokusiphukuta kwabo kwehlele etinhloko tabo. Banikele babe yimphango eveni lekutfunjwa.

Jobe 10:9

Khumbula kutsi nguwe lowangibumba njengelibumba, senguwe njalo lotangibuyisela elutfulini futsi?

Jobe 7:7

Khumbula, mane ukhumbule, Nkulunkulu, kutsi imphilo yami ayisilo lutfo, kodvwa ngumphefumulo nje, emehlo ami akasayiwuphindza akubone kujabula.

Tihlabelelo 119:153

Buka kuhlupheka kwami ungikhulule, ngobe angikawukhohlwa umtsetfo wakho.

Tihlabelelo 74:18

Khumbula-ke, Simakadze, kutsi sitsa sikwetfukile sikuhlambalatile. Sive lesilibele silihlambalatile libito lakho.

Tihlabelelo 79:12

Yebo, Simakadze, buyisela esifubeni sabomakhelwane betfu seyiphindvwe kasikhombisa lenhlamba labakuhlambalate ngayo.

Tihlabelelo 79:4

Sesijike saba yinhlekisa kubomakhelwane betfu, bayasihaya bahlekisa ngatsi kulabakhelene natsi.

Isaya 62:6

Ngibeke balindzi etibondzeni takho, Jerusalema, bangeke bathule imini nebusuku. Nine lenibita Simakadze, ningatiniki kuphumula,

Jeremiya 15:15

Awu Simakadze, uyacondza, ngikhumbule unginakekele. Ngiphindziselele kubahluphi bami. Uyakwati kubeketela, ungangilahleli khashane, yati kutsi ngisolwa kangakanani ngenca yakho.

Jeremiya 51:51

“Sihlazekile, ngobe setfukiwe, lihlazo lisimbonye buso betfu, ngobe bantfu bekuhamba bangenile etindzaweni letingcwele tendlu yaSimakadze.”

Sililo 1:11

Bonkhe bantfu bayo bayabubula ngesikhatsi bafunana kudla bantjintjisa imicebo yabo ngenca yekudla, batsi bentele kutsi batiphilise. “Awu Simakadze, buka unake, ngobe ngibukelwa phansi.”

Sililo 1:20

“Awu Simakadze, buka nje kutsi ngihlupheke kangakanani! Ngisemalahleni lapha ngekhatsi, inhlitiyo yami ikhatsatekile, ngobe bengingulelikhulu lihlubuka. Ngephandle, inkemba iyabulala; ngekhatsi ekhaya, kunekufa kodvwa.

Sililo 1:9

Kungcola kwayo kunamatsele etidvwabeni tayo; ayizange ilinakekele likusasa layo. Kuwa kwayo kwakumangalisa, kwabate labengayidvudvuta. “Awu Simakadze, buka kushaywa kwami, ngobe sitsa siyangehlula.”

Sililo 2:15

Bonkhe labo labendlula ngakuwe bashaya tandla tabo ngawe. Bayancifa, banikine tinhloko ngayo iNdvodzakati yaseJerusalema, batsi: “Kungabe kambe ngilo leli lelidolobha lelalibitwa ngekutsi kuphelela kwebuhle, nenjabulo yemhlaba wonkhe?”

Sililo 2:20

“Buka, Simakadze, unakisise. Ngubani nje lowake wamphatsa ngalendlela? Kufanele yini bafati badle batukulu babo, bantfwana lababongile babakhulisa? Baphrofethi nebaphristi kufanele yini babulawe bafele endlini lengcwele yaSimakadze?

Sililo 3:19

Ngikhumbula kushaywa kwami kanye nekundzindza kwami, loko kubaba kanye nenyongo.

Sililo 3:50

adzimate Simakadze abuke phansi asezulwini kutsi abone.

Sililo 3:61

Awu Simakadze, utivile tinhlamba tabo, onkhe emacebo abo labangimisele wona,

Habakhuki 3:2

Awu Simakadze, ngivile ngeludvumo lwakho; ngimangaliswa tento takho, wena Simakadze. Phindza utivusetele nangalamalanga etfu, tente tatiwe nangaletikhatsi tetfu. Elulakeni lwakho khumbula umusa.

Lukha 23:42

Wase utsi kuJesu: “Ungikhumbule, Jesu, nase ufikile ebukhosini bakho.”