Sililo 4:20 - Siswati 1996 Bible

²⁰ Logcotjiwe waSimakadze, lokunguyena angimitsambo yekuphila kwetfu, wabhajwa etingibeni tabo. Besicabanga kutsi siyawukhosela ngaphansi kwematfunti akhe, siphile emkhatsini wetive ngetive.

Sililo 4:20 Referencias Cruzadas

Genesisi 2:7

Nkulunkulu Simakadze wase ubumba umuntfu ngelutfuli lwemhlabatsi, waphefumulela umoya wekuphila emakhaleni akhe; umuntfu wase uba ngumuntfu lophilako.

Genesisi 44:30

“Ngako-ke, nkhosi yami, nangifika kubabe, inceku yakho, ngingeti naye lomfana, kantsi imphilo yakhe ibophene kangaka neyakhe,

2 Samuweli 1:14

Davide wambuta watsi: “Wena awukesabi ngani kuphakamisa sandla sakho nekubulala umgcotjwa waSimakadze?”

2 Samuweli 1:21

“Nine tintsaba taseGilbowa, shangatsi ningabate ematolo nemvula, nibete nemasimi laneminikelo yalokutinhlavu. Ngobe lihawu lalabanemandla lilele ehlazweni, lihawu laSawula alisamanyateliswa ngemafutsa.

2 Samuweli 18:3

Kodvwa lamabutfo atsi: “Wena akukafaneli kutsi uphume kanye natsi; nasekufanele sibaleke, tsine bangeke babe nandzaba natsi. Ngisho nome incenye yetfu ingafa, bangeke babe nandzaba naloko; kodvwa wena ungalinganiswa nemadvodza lati-10 000 akitsi. Kungaba ncono kutsi wena usale lapha edolobheni, usitfumelele lusito.”

2 Samuweli 19:21

Abishayi, umsa waSeruya, watsi: “Akukafaneli yini Shimeyi abulawe, ngobe wacalekisa lowo lowagcotjwa nguSimakadze kutsi abe yinkhosi?”

2 Tikhronike 35:25

Jeremiya wacamba tingoma tesililo saJosaya, kuze kube ngulamuhla bonkhe bahlabeli besilisa nebesifazane basamkhumbula Josaya ngaletingoma tesililo sakhe. Letingoma tase tiba tingoma temihambo yema-Israyeli, tabhalwa encwadzini yetililo.

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Jeremiya 39:5

Kodvwa lamabutfo aseBhabhulona abacosha, akhandza Sedekiya etsafeni laseJerikho. Ambamba ammikisa kuNebukhadnezari, inkhosi yaseBhabhulona, labeseRibla, eveni laseHamathi, lapho akhipha khona sigwebo sakhe kuye.

Jeremiya 52:8

kodvwa emabutfo aseBhabhulona acosha inkhosi Sedekiya, aze ayikhandza etsafeni laseJerikho. Onkhe emasotja aSedekiya esuswa kuye asakatwa,

Jeremiya 52:9

yena wabe sewuyatfunjwa. Watfunjwa wayiswa enkhosini yaseBhabhulona eRibla, eveni laseHamathi, lapho yefike yakhipha sigwebo sayo kuye.

Sililo 2:9

Emasango ayo ashone emhlabatsini; imicabo yayo wayifohlota wayibhubhisa. Inkhosi yayo netikhulu tayo tahlakatwa tayiswa etiveni, umtsetfo sekwabate, Nebaphrofethi bayo abasayitfoli imibono levela kuSimakadze.

Hezekeli 12:13

Ngiyakuyetsiya ngelinetha lami, futsi iyawubanjwa kulolo lugibe lwami; ngiyakuyiyisa eBhabhulona, eveni lemaKhaledi, kodvwa ngeke ilibone, ngulapho iyawufela khona.

Hezekeli 17:18

Wedzelela sifungo ngekwephula sivumelwane. Njengobe naye wafaka sandla kulesetsembiso, noko wenta tonkhe letintfo, kodvwa angeke aphunyule.

Hezekeli 31:17

Labo labebahlala emtfuntini wawo, tihlobo tawo emkhatsini wetive, nabo behlela nawo ethuneni, bahlangana nalabo lababulewe ngenkemba.

Danyela 4:12

Emacembe aso abemahle netitselo taso titinyenti, lapha kuso bekunekudla kwabo bonkhe. Ngaphansi kwaso tilwane tesiganga tatfola umtfunti wekuphumula, netinyoni tasemoyeni takhela tidleke tato emagaleni aso; tonkhe tidalwa tondliwa kuso.

Hoseya 13:10

Iphi inkhosi yakho, kuze itewukusindzisa? Tiphi tikhulu takho kuwo onkhe lamadolobha akho lowakhuluma ngato, watsi: ‘Nginike inkhosi netikhulu’?

Tikhulu 9:15

“Sihlahla semanyeva saphendvula letihlahla, satsi: ‘Nanicinisile kutsi nifuna kungibeka inkhosi etikwenu, wotani nitewukhosela emtfuntini wami; kodvwa nakungenjalo, akuphume umlilo esihlahleni semanyeva udle imisedari yaseLebanoni!’

1 Samuweli 12:3

Manje ngime lapha, fakazani ngebubi bami lapha embikwaSimakadze nakulogcotjiwe wakhe. Ngubani lengake ngadla inkhabi yakhe? Ngubani lengake ngadla imbongolo yakhe? Ngubani lengake ngamdlelela? Ngubani lengake ngamcindzetela? Tabani tandla lengake ngemukela kuto umdizo kuze ngivale emehlo ami? Nakukhona lengake ngakwenta kwaloku, ngifuna kukulungisa.”

1 Samuweli 12:5

Samuweli wakhuluma kubo, watsi: “Simakadze ngufakazi lomelene nani, kantsi nalogcotjiwe wakhe ungufakazi lamuhla nje kutsi anikatfoli cala etandleni tami.” Nabo batsi: “Ungufakazi.”

1 Samuweli 16:6

Batsi nabefika, Samuweli wabona Eliyabe, wase ucabanga utsi: “Impela logcotjiwe waSimakadze nguye lona losembikwaSimakadze.”

1 Samuweli 24:10

Lamuhla utibonele ngewakho emehlo kutsi Simakadze abekunikele kanjani esandleni sami lapha emhumeni. Labanye bebatsi angikubulale, kodvwa mine ngakuhawukela, ngatsi: ‘Ngingeke ngiyiphakamisele sandla inkhosi yami, ngobe ingulogcotjiwe waSimakadze.’

1 Samuweli 24:6

Wakhuluma kulamabutfo akhe, watsi: “Simakadze akakutsandzi kutsi ngente intfo lenje enkhosini yami, lengulogcotjiwe waSimakadze, ngiphakamise sandla sami etikwayo, ngobe ingulogcotjiwe waSimakadze.”

1 Samuweli 26:16

Loko lokwentile akukuhle. Ngifunga ngekuphila kwaSimakadze ngitsi, wena nemabutfo akho kufanele nife, ngobe nehlulekile kuciza inkhosi yenu, lekungulogcotjiwe waSimakadze. Ase nibuke eceleni kwenu. Siphi nje sikhali senkhosi kanye nelichaga lemanti bekulapho eceleni kwenhloko yayo?”

1 Samuweli 26:9

Kodvwa Davide wakhuluma ku-Abishayi, watsi: “Ungacali umbulale! Ngubani nje longabeka sandla kulogcotjiwe waSimakadze ajinge angabi nacala?