Sililo 4:11 - Siswati 1996 Bible

¹¹ Simakadze ulufeze ngalokuphelele lulaka lwakhe, uyitfululile intfukutselo yakhe levutsako. ESiyoni uphembe umlilo lowadla tisekelo tayo.

Sililo 4:11 Referencias Cruzadas

Isaya 51:20

Emadvodzana akho acalekile, adzindzibele ekugcineni kwato tonkhe titaladi njengenyamatane ibanjwe elugibeni. Emadvodzana akho ehlelwe yintfukutselo yaSimakadze, ahlaselwa kwekhutwa nguNkulunkulu wakho.

Jeremiya 13:14

Ngitabashayanisa lomunye kulomunye, boyise nemadvodzana ngalokufananako, kusho Simakadze. Ngingeke ngisivumele sihe nome sihawu nome luvelo kutsi kungivimbele ngingababhubhisi.’ ”

Jeremiya 17:27

Kodvwa naningangilaleli mine, kutsi nigcine liSabatha lami lingcwele ngekutsi ningetfwali nalomncane umtfwalo ngesikhatsi nisangena emasangweni aseJerusalema ngeliSabatha, ngako ngiyawube sengilumeka umlilo longacimeki emasangweni aseJerusalema, loyawudla netinqaba tayo.’ ”

Jeremiya 21:14

Ngitanijezisa njengobe nifanelwe tento tenu. Emahlatsi enu ngitawokhela ngemlilo lotawucotfula konkhe lokusedvute nani, kusho Simakadze.’ ”

Jeremiya 36:7

Mhlawumbe bayawutincengela embikwaSimakadze, ngulowo nalowo aphendvuke endleleni yakhe lembi, ngobe lulaka nentfukutselo lasayibekile Simakadze kumelana nalabantfu yinkhulu kakhulu.”

Jeremiya 7:20

“Ngako-ke naku lokushiwo yiNkhosi Simakadze, itsi: Intfukutselo yami kanye nelulaka lwami kutawutfululelwa etikwalendzawo, etikwebantfu netinkhomo, etikwetihlahla tesiganga kanye nasetikwetitselo temhlaba, lutawuvutsa lungaphindzi lucimeke.

Sililo 2:1

Maye! Simakadze uyimbonye kanjani iNdvodzakati yaseSiyoni ngelifu lentfukutselo yakhe! Ubudzaceke phansi bukhosi baka-Israyeli, busuka ezulwini buya emhlabeni. Akazange asikhumbule senabelo setinyawo takhe ngelilanga lentfukutselo yakhe.

Sililo 2:17

Simakadze wente loko labesakumisile; ulifezile livi lakhe lalimemetela kadzeni. Sewubhidlitile, wangete waba nesihawu, wente sitsa sakucoloshela, uluphakamisile luphondvo lwetitsa takho.

Sililo 2:3

Ngentfukutselo leyesabekako uncamule tonkhe timphondvo taka-Israyeli. Usifinyetile sandla sakhe sekudla ngesikhatsi kuchamuka sitsa. Ushise Jakobe, kwaba shangatsi kulavutela emalangabi emlilo, yebo, umlilo lodla ucotfule konkhe lokusedvutane nawo.

Sililo 2:4

Ujijimete umcibisholo wakhe njengesitsa, sandla sakhe sangesekudla silungele kulwa. Njengesitsa ujube bonkhe labebajabulisa emehlweni; watfulula lulaka lwakhe njengemlilo etikwelithende leNdvodzakati yaseSiyoni.

Sililo 2:8

Simakadze watimisela kudzilitela phansi lubondza lolutungelete iNdvodzakati yaseSiyoni. Welula intsambo yekukala, wangete wasincandza sandla sakhe ekubhubhiseni. Wenta tibondza tekuvikela, netindvonga kwakhala, konkhe kwaguga kanyekanye.

Sililo 4:22

Awu, Ndvodzakati yaseSiyoni, kujeziswa kwakho kutawuphela; Simakadze angeke aselule sikhatsi sekudzingiswa kwakho. Kodvwa, awu, wena Ndvodzakati yase-Edomu, uyawujeziswa ngenca yesono sakho, abubeke ebaleni bubi bakho.

Hezekeli 22:31

Ngako-ke ngiyawutfululela lulaka lwami etikwabo, ngibagwinye ngentfukutselo yami levutsako, ngikwehlisele etinhloko tabo konkhe loko labakwentile, kusho iNkhosi Simakadze.”

Hezekeli 36:18

Ngako ngatfululela lulaka lwami etikwabo, ngobe bese bacitse ingati kulelo live, nangobe bese balingcolise ngaletithico tabo.

Hezekeli 6:12

Lowo lokhashane kakhulu uyawubulawa sifo lesibulalanako, lowo losedvutane abulawe ngenkemba, kutsi lowo lophunyulile wasala, abulawe yindlala. Ngiyakulufeza kanjalo-ke lulaka lwami etikwabo.

Danyela 9:12

Uwagcwalisile emavi akho lowawakhuluma ngatsi nangebabusi betfu, uwagcwalise ngekwehlisela inhlekelele lenkhulu etikwetfu. Kute nakunye lokwake kwenteka ngaphansi kwelizulu lokunjengaloku lokwenteke kuyo iJerusalema.

Levithikusi 26:28

ngiyawunigucukela ngentfukutselo yami ngimelane nani, sijeziso ngisente sibe buhlungu ngekusiphindza kasikhombisa.

Zefaniya 2:2

sikhatsi lesibekiwe sisengakefiki nisengakapheshulwa njengemakhoba, lusengakehleli etikwenu lulaka lwaSimakadze lolwesabekako, lisengakefiki lilanga lelulaka lwaSimakadze etikwenu.

Zakhariya 1:6

Kodvwa lamavi ami netimiso tami, lengabayala ngako ngemlomo webaphrofethi, tinceku tami, akuzange kufike yini etindlebeni taboyihlomkhulu? Base bayaphendvuka batsi: ‘Simakadze longuSomandla wente kitsi loko lobekusifanele ngekwetindlela tetfu nangalesikwentako, njengobe abesatimisele kukwenta.’ ”

Lukha 21:22

Phela lamalanga ngesijeziso, newekugcwaliseka kwako konkhe lokushiwo ngimiBhalo.