Sililo 3:66 - Siswati 1996 Bible

⁶⁶ Ticoshe ngentfukutselo yakho, utibhubhise, tingaphindzi tibe khona ngaphansi kwemazulu aSimakadze.

Sililo 3:66 Referencias Cruzadas

2 Emakhosi 14:27

Njengobe-ke Simakadze bekavele angazange asho kutsi uyakulesula libito la-Israyeli ebusweni bemhlaba, wabasindzisa ngesandla saJerobowamu, umsa waJehoyashi.

Tihlabelelo 115:16

Emazulu ayindzawo yaSimakadze, yena yedvwa, kodvwa umhlaba wawuniketela kubantfu.

Tihlabelelo 35:5

Ababe njengemakhoba wona apheshulwa ngumoya, ingilosi yaSimakadze isabadvungulula.

Tihlabelelo 35:6

Indlela yabo ayihlwe, ishelele, ingilosi yaSimakadze isabacosha.

Tihlabelelo 73:15

Kube bengitsite: “Ngitawukhuluma njengabo,” ngabe ngihlubuke sive sakho, Simakadze.

Tihlabelelo 8:3

Nangibuka etulu esibhakabhakeni sakho ngibona umsebenti wetandla takho, inyanga netinkhanyeti lotimisile, ngitsi:

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Jeremiya 10:11

“Batjele naku: ‘Labonkulunkulu labangazange sebalibumbe lizulu nemhlaba, batawubhubha baphele emhlabeni, ngisho nangaphansi kwemazulu.’ ”

Jeremiya 15:15

Awu Simakadze, uyacondza, ngikhumbule unginakekele. Ngiphindziselele kubahluphi bami. Uyakwati kubeketela, ungangilahleli khashane, yati kutsi ngisolwa kangakanani ngenca yakho.

Sililo 3:43

“Utimbonye ngelulaka, wasisukela wasicosha, wabulala ngaphandle kwesihawu.

Hoseya 8:3

Kodvwa Israyeli ukulahlile loko lokungukona kukuhle, ngako-ke sitsa sitamcosha.

Dutheronomi 25:19

Uyawutsi Simakadze Nkulunkulu wenu anganipha kuthula, kutsi hhamu kuhlaselwa nguletitsa tenu letinitungeletile kulelive lanipha lona kutsi nilidle libe lifa lenu, niyawulesula libito la-Amaleki lingaphindzi likhunjulwe ngaphansi kwemtfunti welilanga. Ningakhohlwa.”

Dutheronomi 29:20

Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.

Dutheronomi 7:24

Emakhosi ato utawanikela esandleni senu, nine niwabhubhise, emabito awo aphele emhlabeni. Kute loyakuba nemandla ekumelana nani; niyakuwabhubhisa.