Sililo 3:56 - Siswati 1996 Bible

⁵⁶ Wakuva kuncusa kwami: “Ungativali tindlebe takho ekukhaleni kwami; ngicela kuphunyutwa.”

Sililo 3:56 Referencias Cruzadas

2 Tikhronike 33:13

Watsi nakathandaza kuye, Simakadze watsintseka ngalokuncusa kwakhe, wakulalela kutincengela kwakhe, wase umbuyisela emuva eJerusalema nasembusweni wakhe. Kusukela lapho-ke Manase wati kutsi Simakadze nguNkulunkulu.

2 Tikhronike 33:19

Umthandazo wakhe, nekutsi Nkulunkulu watsintseka kanjani ngekutincengela kwakhe, kanye nato tonkhe tono takhe, nekungetsembeki kwakhe, netindzawo letiphakeme tekukhontela tithico, lapho bekakhe khona titfombe letikhontwako, wagcumeka netinsika ta-Ashera netithico, ngalesikhatsi asengakatitfobi, konkhe loko kubhaliwe etincwadzini tebaboniswa.

Jobe 34:28

Babangela kutsi lokukhala kwalabamphofu kufike etindlebeni takhe, wadzimate wakuva kukhala kwalabeswele.

Tihlabelelo 3:4

Ngelivi lami ngikhala kuSimakadze, uyangiphendvula asentsabeni yakhe lengcwele. Cabanga.

Tihlabelelo 34:6

Ngangingumuntfu losihlupheki, ngakhala kuSimakadze, wangiva, wangisindzisa kuko konkhe kuhlupheka kwami.

Tihlabelelo 5:2

Vani livi lekukhala kwami, ungisite, Nkhosi yami naNkulunkulu wami, ngobe ngithandaza kuwe, Simakadze.

Tihlabelelo 5:3

Simakadze, nakudzabuka kusa, uyaliva livi lami; nakudzabuka kusa, ngihlela ticelo tami kuwe, bese ngiyema ngilindzela wena.

Tihlabelelo 55:1

Hhawu, Nkulunkulu, beka indlebe, ulalele umthandazo wami, ungakufulatseli kuncusa kwami.

Tihlabelelo 55:18

Uyawungihlenga, anginike kuthula, angivikele kulemphi lengibhekene nayo, nome babanyenti labalwa nami.

Tihlabelelo 55:2

Nginake, ungiphendvule. Imicabango yami iyangihlupha, sengidzimate ngakhatsateka,

Tihlabelelo 66:19

Ngempela, Nkulunkulu uvile, walilalela livi lemthandazo wami.

Isaya 38:5

“Hamba uyewutjela Hezekiya, utsi: ‘Naku lokushiwo nguSimakadze, Nkulunkulu weyihlomkhulu, Davide, utsi: Ngiwuvile umthandazo wakho, ngatibona netinyembeti takho. Ngitakwengetela iminyaka leli-15 ebudzeni bemphilo yakho.

Danyela 9:17

“Manje-ke Nkulunkulu wetfu, vani umthandazo nekuncusa kwenceku yakho. Ngenca yakho nje, Simakadze, mane ubuke ngesihawu lithempeli lakho lese libhidlitiwe.

KubaseRoma 8:26

Ngalokufanako Moya uyasisita ebutsakatsakeni betfu. Ngobe asati kutsi kufanele sithandaze kanjani; kodvwa Moya usincusela kuNkulunkulu ngekububula lokungeke kukhulumeke ngemavi.