Sililo 3:31 - Siswati 1996 Bible

³¹ Ngobe Simakadze bantfu akabalahli kokuphela.

Sililo 3:31 Referencias Cruzadas

2 Samuweli 14:14

Njengemanti lacitsekele phansi, angeke abutseke futsi, natsi kufanele sife. Kodvwa Nkulunkulu akabulali, esikhundleni saloko wenta tindlela letitsite, kuze kutsi umuntfu lodzingisiwe angahlali akhashane naye.

1 Emakhosi 11:39

Titukulwane taDavide ngitatitfobisa ngenca yaloko, kodvwa noko kungabi kwaphakadze.’ ”

Tihlabelelo 77:7

“Kantsi Simakadze utangilahla siphelane yini? Angeke yini aphindze abe nemusa nesihawu?

Tihlabelelo 94:14

Ngobe Simakadze angeke asilahle sive sakhe, angeke alishiye lifa lakhe.

Isaya 27:8

Kulwa kwakhe nebaseJerusalema kugcina ngekutsi abadvungulule baye ekutfunjweni, abakhiphe ngesikhahlo sakhe njengekuhhusha kwemoya wasemphumalanga.

Isaya 57:16

Ngingeke ngihlale ngisola njalonjalo, futsi ngingeke ngihlale ngitfukutsele, ngobe phela umoya wemuntfu ungaze ucaleke embikwami, umphefumulo wemuntfu lengamdala.

Jeremiya 31:37

Naku lokushiwo nguSimakadze, utsi: “Kuphela nje nangabe emazulu lasetulu angalinganiswa, netisekelo temhlaba letingaphansi tiphenywe, nami-ke ngulapho ngiyawusilahla sonkhe situkulwane saka-Israyeli, ngenca yako konkhe labakwentile,” kusho Simakadze.

Jeremiya 32:40

Ngiyakwenta nabo sivumelwane saphakadze: Ngingeke ngiyekele kwenta lokuhle kubo, nabo ngibafake umoya wekungesaba, khona bangeyiwuphindze bahlubuke kimi.

Jeremiya 33:24

“Awukanaki yini kutsi labantfu batsi: ‘Simakadze uyilahlile lemibuso lemibili layikhetsa’? Ngako bababukela phansi labantfu bami, ababatsatsi ngekutsi nabo basive.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Nahume 1:12

Naku lokushiwo nguSimakadze, utsi: “Nome ema-Asiriya anemandla futsi amanyenti, ayakubhujiswa aphele. Nome senginihluphe nganishaya kangaka, nine maJuda, ngingeke ngisachubeka nekunihlupha.

1 Samuweli 12:22

Ngenca yelibito lakhe lelikhulu Simakadze angeke asilahle sive sakhe, ngobe kwaba kuhle kuye Simakadze kutsi anente nibe bakhe.