Sililo 3:30 - Siswati 1996 Bible

³⁰ Akaniketele sihlatsi sakhe kulowo longamshaya ngemphama, atseleke ngemahloni nangelihlazo.

Sililo 3:30 Referencias Cruzadas

Jobe 16:10

Bantfu sebasitakele ngami, nguleyo ndvodza itisholo lekutsandzako ngami, banginhlakaya sihlatsi ngekungicoloshela, sebangakhele luzungu bahlangana ngami.

Jobe 30:10

Sebayangenyanya, bahambela khashane nami, abasesabi nekungikhafulela ebusweni.

Tihlabelelo 123:3

Sihawukele, Simakadze, sihawukele, ngobe sesiphetfwe ngensila, kwaze kwendlula.

Tihlabelelo 69:20

Kuhlanjalatwa kuwephulile umphefumulo wami, ngadzimate ngaphelelwa nangemandla. Ngacalata ngifuna longangihawukela, kodvwa kwabate lengimbonako. Ngacalata ngifuna nebadvudvuti, nakhona kwabate lengibabonako.

Tihlabelelo 69:9

Ngidliwa kushisekela indlu yakho, tinhlamba talabakwetfukako tehlela etikwami.

Isaya 50:6

Nganikela ngemhlane wami kulabo labebangishaya, ngabanika tihlatsi labo lababengidvonsa ngesilevu. Angizange ngibufihle buso bami ekuphukutweni nasekukhafulelweni ngematse.

Mikha 5:1

Bantfu baseJerusalema, butsanani ndzawonye! Sesivinjetelwe! Sebahlasela umholi waka-Israyeli!

Matewu 26:67

Base bamkhafulela ngematse ebusweni, bamhlukumeta kamatima, bammukula

Matewu 5:39

Kodvwa mine ngitsi kini: Ningamelani nalokubi; umuntfu nakakumukula esihlatsini sangesekudla, mnike nalesi lesinye.

Lukha 6:29

Nangabe umuntfu akumukula esihlatsini, mnike nalesi lesinye, naso asimukule; nakatsatsa libhantji lakho, mnike nelihembe futsi!

2 kubaseKorinthe 11:20

Niyambeketelela nome ngubani lonigcilatako, nalonichwagako, nalonicaphatako, nalotichayisako, nalonimukula ebusweni.