Sililo 3:26 - Siswati 1996 Bible

²⁶ Kuhle kuyilindzela ngekuthula nangekubeketela insindziso yaSimakadze.

Sililo 3:26 Referencias Cruzadas

Genesisi 49:18

“Simakadze, ngilindzele insindziso yakho.

2 Tikhronike 20:17

Singeke sibe khona sidzingo sekuyilwa lemphi. Tihleleni, nime ngetindzawo tenu; manini nicine nitewubona kusindzisa kwaSimakadze, nine bakaJuda nebaseJerusalema. Ningesabi, futsi ningapheli emandla. Kusasa loku lokusako, phumani niyewubhekana nabo, naSimakadze utawuba nani.’ ”

Tihlabelelo 119:166

Yebo, Simakadze, ngetsemba insindziso yakho, ngiyayenta imiyalo yakho.

Tihlabelelo 119:174

Ngomele insindziso yakho, Simakadze, nemtsetfo wakho ukujabula kwami.

Tihlabelelo 130:5

Lusito lwaSimakadze, ngilubheke ngalabovu, umphefumulo wami uyawumlindzela. Ngiyaletsemba livi lakhe.

Tihlabelelo 37:34

Tsemba Simakadze, ugcine indlela yakhe, yena uyawukuphakamisa udle lifa lemhlaba ubone kushabalaliswa kwalababi.

Tihlabelelo 37:7

Thula embikwaSimakadze, umlindzele ngesineke. Ungahawukeli kumuntfu lonotsa ngebucili bakhe.

Tihlabelelo 52:9

Ngiyawukubonga naphakadze ngaloko lokwentile. Ngiyawumemetela libito lakho emkhatsini walabangcwele, ngobe lona lihle.

Tihlabelelo 54:6

Ngiyawunikela kuwe, Simakadze, umnikelo wesihle, ngidvumise libito lakho ngobe lona lihle.

Tihlabelelo 62:2

Nguye yedvwa lolidvwala lami, nensindziso yami, nenqaba yami, ngingeke ngishukunyiswe.

Tihlabelelo 73:28

Kodvwa mine kungilungele kusondzela kuNkulunkulu, Simakadze, iNkhosi, ngimente waba siphephelo sami, kuze ngishumayele ngako konkhe lakwentile.

Tihlabelelo 92:1

Kuhle kubonga wena, Simakadze, nekuhlabelela egameni lakho, wena Losetikwako Konkhe,

Eksodusi 14:13

Mosi wabaphendvula watsi: “Ningesabi, manini sibindzi, nicine, nitawubona kusindzisa kwaSimakadze latanentela kona lamuhla. LamaGibhithe leniwabonako lamuhla aniseyiwuphindze niwabone futsi.

Eksodusi 14:14

Simakadze utanilwela; nine thulani nje.”

Isaya 30:15

Naku lokushiwo yiNkhosi Simakadze, Longcwele waka-Israyeli, utsi: “Ekuphendvukeni nasekuphumuleni ngulapho kunensindziso yenu khona; ekuthuleni nasekwetsembeni ngulapho kunemandla enu khona; kodvwa ningeke nitsandze lutfo lwako.

Isaya 30:7

kuyo iGibhithe lengenalusito lwalutfo. Ngako-ke ngiyibita ngekutsi nguRahabi, uMenti Welite.

Isaya 7:4

Ubosho kuye utsi: ‘Caphela, uthule, ume sibindzi, ungaphelelwa ngemandla ngenca yaletiphintana letibili taletikhuni letishuncako, nangekuvutsa kwelulaka lwaResini nemaSiriya akhe nelwemsa waRemaliya.

Jeremiya 14:22

Sikhona yini sona sinye setithico tebetive letingenamsebenti lesiletsa imvula? Tona tibhakabhaka ngekwato tiyatehlisa yini tihlambi temvula? Cha, nguwe, lowenta loko, Simakadze Nkulunkulu wetfu. Ngako-ke litsemba letfu likuwe, ngobe nguwe lowenta konkhe loku.

Sililo 3:27

Kuhle kumuntfu kutsi etfwale lijoko ngesikhatsi asesemusha.

Habakhuki 2:3

Ngobe lesembulo silindzele sikhatsi lesimisiwe; sikhuluma ngesiphetfo lesiphutfumako, futsi ngeke sibonakale singemanga. Nome sephutisa nje, silindzele, sona sitawufika nome kanjani, futsi ngeke sephute.

KubaseGalathiya 4:18

Kona kuhle kushisekela lokuhle njalonjalo, hhayi nangikhona emkhatsini wenu kuphela.

KumaHebheru 10:35

Ngako-ke ningasilahli lesibindzi senu sekwetsemba Nkulunkulu, ngobe sinemvuzo lomkhulu.

KumaHebheru 3:14

Ngobe sihlanganyela naKhristu kuphela, nasibambelele etsembeni letfu lakucala kuze kube ngusekupheleni.

1 yaPhetro 1:13

Ngaloko-ke bophani tinkhalo tengcondvo yenu, nititsibe, netsembe ngalokuphelele umusa lenitakwabelwa wona ekwembulweni kwaJesu Khristu.