Sililo 3:17 - Siswati 1996 Bible

¹⁷ Ngidlelelwe kuthula, ngadzimate ngakhohlwa nekutsi kuyini kuphumelela.

Sililo 3:17 Referencias Cruzadas

Genesisi 41:30

Kodvwa emvakwayo kutawulandzela leminye iminyaka lesikhombisa yendlala lenkhulu, yonkhe inala iyawukhohlakala eGibhithe; indlala italigubudzela lonkhe live.

Jobe 7:7

Khumbula, mane ukhumbule, Nkulunkulu, kutsi imphilo yami ayisilo lutfo, kodvwa ngumphefumulo nje, emehlo ami akasayiwuphindza akubone kujabula.

Tihlabelelo 119:155

Insindziso ikhashane nalababi, ngobe abatifuni timiso takho.

Isaya 38:17

Empeleni wentele kusita mine lokutsi ngive tinhlungu letinje. Elutsandvweni lwakho wangisindzisa emgodzini wembhubhiso, utsatse tonkhe tono tami watilahla emvakwakho.

Isaya 54:10

Nome tintsaba tingatanyatanyiswa nemagcuma esuswe, noko lutsandvo lwami lolungapheli lengikutsandza ngalo, lungeke lutanyatanyiswe, nesivumelwane sami sekuthula singeke sisuswe,” kusho Simakadze lonesihawu kuwe.

Isaya 59:11

Sonkhe siyavungama njengemabhele, siyakhala sibubula njengematuba, sifuna umtsetfocotfo, kodvwa asiwutfoli; sifuna nekukhululwa, kodvwa kukhashane natsi.

Jeremiya 12:12

Etikwawo onkhe emadvundvu latingagadvu babhubhisi bayawunyakatela, ngobe inkemba yaSimakadze iyawubadla bantfu, kusukela ngala kwelive kuye ngale kwalo, kute namunye loyawusindza.

Jeremiya 14:19

Sewumlahle kokuphela yini Juda? Umbukela phansi yini Siyoni? Usishayelani sive singete sakhona kuphiliswa nje? Sasetsemba kutsi kutawuba nekuthula nenhlalakahle, kodvwa kute nakunye lokuhle lokusehlele. Setsemba sikhatsi sekuphiliswa, kodvwa kwaba nekutfutfumela kuphela.

Jeremiya 16:5

Ngobe naku lokushiwo nguSimakadze, utsi: “Ungangeni endlini lapho kunekudla kwemngcwabo, ungayi khona kuyawukhala, nome ukhombise kuvelana nabo, ngobe sengisisusile sibusiso sami, nelutsandvo lwami kanye neluvelo lwami kulabantfu,” kusho Simakadze.

Jeremiya 8:15

Besetsembe kuthula, kodvwa kute lokuhle lokufikile, besetsembe sikhatsi sekuphiliswa, kwefika lokwesabisako kodvwa nje.

Sililo 1:16

“Nguloko lokungenta ngilile, nemehlo ami aphophota tinyembeti. Kute namunye losedvutane longidvudvutako, kute namunye longabuyisa umoya wami. Bantfwabami bahlutjuliwe, ngobe sitsa singehlulile.”

Zakhariya 8:10

Ngaphambili kwalawo malanga kwakute inkhokhelo yebantfu nome yetilwane. Kute namunye labengaphuma angene ngenca yesitsa sakhe, ngobe ngagucula wonkhe umuntfu kutsi emelane namakhelwane wakhe.