Sembulo 9:20 - Siswati 1996 Bible

²⁰ Kepha bantfu lababesele bangete bafa kuletinhlupho, abazange baphendvuke emisebentini yetandla tabo. Kodvwa bachubeka bakhonta emadimoni netithico tegolide, netesiliva, netelitfusi, netelitje, netemitsi: tintfo letingaboni, naletingeva, naletingahambi.

Sembulo 9:20 Referencias Cruzadas

2 Emakhosi 22:17

Njengobe bangikhohliwe mine, batfuncisa imphepho kulabanye bonkulunkulu, bangitfukutselisa ngato tonkhe letithico labatente ngetandla tabo, intfukutselo yami itawuvutsela lendzawo, futsi ingeke icisheke.’

2 Tikhronike 28:22

Ahazi akazange etsembeke ngisho nakancane nje kuSimakadze ngesikhatsi sekuhlupheka kwakhe.

2 Tikhronike 34:25

Njengobe bangishiyile mine, batfuncisa imphepho kulabanye bonkulunkulu, bangitfukutselisa ngato tonkhe letithico labatibumbe ngetandla tabo, intfukutselo yami itawutfululelwa kulendzawo, futsi ingeke icisheke.’

Tihlabelelo 106:37

Banikela ngemadvodzana abo nemadvodzakati abo, kutsi abe yimihlatjelo yemadimoni.

Isaya 2:8

Live labo ligcwele tithico; bakhotsamela umsebenti wetandla tabo, loko lokwentiwe ngemino yabo.

Isaya 41:7

Ingcweti kutekubata ikhutsata umbumbi wetegolide, nalowo lobetsela ngesandvo ushiyela kulowo locandvulako. Kulowo loshiselako utsi: “Kuhle.” Ubetsela sithico khona singetikuwa.

Jeremiya 1:16

Ngiyawukhipha tigwebo tami esiveni sami ngenca yabo bonkhe bubi baso: ngekungifulatsela kwaso, ngekutfuncisa imphepho kulabanye bonkulunkulu, nangekukhonta loko lokwentiwe tandla tabo.

Jeremiya 25:6

Ningabalandzeli labanye bonkulunkulu kutsi nibasebentele nikhonte bona. Ningacali ningicunule ngize ngitfukutsele ngaloko lenikwente ngetandla tenu. Khona-ke ngingeke nginilimate.”

Jeremiya 44:8

Ningicunulelani ningitfukutselise ngaloko lokwentiwe tandla tenu, nangekutfuncisa imphepho kulabanye bonkulunkulu baseGibhithe, lapho nitewuhlala khona? Nitatibhubhisa nine, nitente nibe yintfo yekucalekisa nelihlazo etiveni tonkhe temhlaba.

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Jeremiya 51:17

“Wonkhe umuntfu akanangcondvo, futsi akanalwati; wonkhe umbumbi wetegolide unemahloni ngetithico takhe. Titfombe takhe tiyinkhohliso nje, atinamphefumulo.

Danyela 5:23

Esikhundleni saloko, sewutiphakamisile wamelana naNkulunkulu welizulu. Baletsa letindzebe tasethempelini lakhe kuwe, kwatsi wena netindvuna takho, nemakhosikati akho, nemaphovela akho nanatsa ngato liwayini. Nikhuleke nadvumisa bonkulunkulu besiliva nebegolide, nebelitfusi, nebensimbi, nebetigodvo kanye nebematje labangakwati kubona, nome kuva, nome kucondza. Kodvwa awukamdvumisi Nkulunkulu lophetse kuphila kwakho nato tonkhe tindlela takho esandleni sakhe.

Danyela 5:4

Batsi basanatsa liwayini, babe badvumisa bonkulunkulu begolide, nebesiliva, nebelitfusi, nebensimbi, nebetigodvo, nebematje.

Levithikusi 17:7

Kufanele bangasakuphindzi kunikela imihlatjelo yabo kuletithico letisatimbuti, labaphinga nato. Loku kutawuba ngumtsetfo wetitukulwane ngetitukulwane.’

Mikha 5:13

Ngiyawubhidlita tithico takho kanye netinsika tato tematje langcwele. Ungeke uphindze utikhonte letintfo letibatwe nguwe matfupha.

Matewu 21:32

Ngobe Johane weta kini ngendlela yekulunga, anizange nimkholwe; kodvwa batselisi, netingwadla, netiphingi tamkholwa. Kodvwa nine, nome senibone loko, anizange niphendvuke kuze nimkholwe.”

Imisebenti yebaPhostoli 17:29

“Njengobe singumliba wakhe, akukafaneli kutsi sicabange kutsi simo saNkulunkulu sifanana negolide nome nesiliva nome nelitje lokungumsebenti lobatwe ngebungcweti nangekucabanga kwemuntfu.

Imisebenti yebaPhostoli 19:26

Niyatibonela, futsi niyativela konkhe lokwentiwa ngulendvodza lenguPawula. Utsi bonkulunkulu labakhiwe ngetandla abasibo bonkulunkulu sibili, sewugucule bantfu labanyenti, hhayi kuleli lase-Efesu kuphela kodvwa cishe kulo lonkhe lase-Asiya.

Imisebenti yebaPhostoli 7:41

Ngulapho-ke benta khona sitfombe lesaba nesimo lesinjengeselitfole, base banikela imihlatjelo kuso, benta lidzili badvumisa lobekungumsebenti wetandla tabo.

2 kubaseKorinthe 12:21

Ngesaba kutsi nangiphindze ngita lapho futsi, shangatsi Nkulunkulu wami angangitfobisa embikwenu, kutsi ngililele labo labonile labangakaphendvuki ekungcoleni, nasebugwadleni, nasebuphingini, nasenkhanukweni labayentile.

Dutheronomi 31:29

Ngobe ngiyati kutsi emvakwekufa kwami nakanjani niyawuba babi kakhulu, nize niphambuke nakulendlela lenginiyale kutsi nihambe ngayo. Kulamalanga letako, nitakwehlelwa tigemegeme letimbi, ngobe niyakwenta bubi embikwaSimakadze nimtfukutselise ngaloko tandla tenu letikwentile.”

Dutheronomi 32:17

Benta imihlatjelo emadimonini langasiye Nkulunkulu, bonkulunkulu labangazange sebaze babati, bonkulunkulu lababesandza kuvela nje, bonkulunkulu boyihlo labebangazange sebabesabe.

Dutheronomi 4:28

Kuleto tive niyawukhonta tithico letentiwe bantfu ngetingodvo nangematje, letingaboni naletingeva, naletingadli, naletingakwati kunuka.

1 kuThimothi 4:1

Moya ukhuluma ngalokusebaleni kutsi ngetikhatsi tekugcina labanye bayawuhlubuka ekukholweni, balandzele imimoya ledukisako netimfundziso temadimoni.

Sembulo 15:1

Ngase ngibona ezulwini lesinye sibonakaliso lesikhulu lesimangalisako. Tingilosi letisikhombisa taletsa tinhlupho letisikhombisa. Leti tinhlupho tekugcina, ngobe ngato lulaka lwaNkulunkulu luyapheleliswa.

Sembulo 16:8

Ingilosi yesine yatfululela sitja sayo elangeni; lavunyelwa kutsi lishise bantfu ngekushisa lokukhulu.

Sembulo 9:19

Ngobe emandla alamahhashi abesemilonyeni yawo nasemisileni yawo. Imisila yawo yayinetinhloko, ifanana netinyoka. Abelimata ngayo lemisila.

Sembulo 9:21

Abazange baphendvuke ekubulaleni kwabo, nasekutsakatseni kwabo, nasebugwadleni babo, nasebuphingini babo, nasekwebeni kwabo.