Sembulo 6:9 - Siswati 1996 Bible

⁹ Latsi liWundlu nalicatulula luphawu lwesihlanu, ngabona lilati, ngaphansi kwalo kunemiphefumulo yalabo lababebulawelwe livi laNkulunkulu nebufakazi lababenabo.

Sembulo 6:9 Referencias Cruzadas

Genesisi 4:10

Simakadze watsi kuye: “Wenteni? Livi lengati yemnakenu liyakhala kimi, lisemhlabatsini.

Eksodusi 29:12

Ubotsatsa litsantana lalengati ngemuno ulibhoce etimphondvweni telilati; lengati lesele uyitsele esisekelweni selilati.

Levithikusi 4:7

Lenye ingati umphristi uyayibhoca etimphondvweni telilati lemphepho lenuka kamnandzi embikwaSimakadze ngekhatsi kwelithende lekuhlangana. Incenye yalengati uyayitsela emasekweni elilati lemnikelo wekushiswa lelisekungeneni kwelithende lekuhlangana.

Johane 16:2

Bayakunincuma emasinagogeni. Yebo, sikhatsi siyeta, lapho bayawunibulala, bacabange kutsi basebentela Nkulunkulu.

2 kubaseKorinthe 5:8

Ngesibindzi sitsi kuncono siwushiye lomtimba siyewuhlala neNkhosi.

KubaseFiliphi 1:23

Kepha ngisemkhatsini walokubili: Nginesifiso sekuhamba ngiyewuba naKhristu, ngobe ngiko lokuhle kakhulu.

KubaseFiliphi 2:17

Kukholwa kwenu kungumhlatjelo wenu lonikelwa kuNkulunkulu. Nome ingati yami beyingengetwa kuwo lomhlatjelo, mine bengingajabula, sijabule kanye nani nonkhe.

2 kuThimothi 1:8

Ngako-ke ungabi nemahloni ngekufakaza ngeNkhosi yetfu. Ubete emahloni nangami, siboshwa sayo, kodvwa hlanganyela nami ekuhluphekeleni liVangeli ngemandla aNkulunkulu.

2 kuThimothi 4:6

Mine sengiyanikelwa; sesifikile sikhatsi sami.

KumaHebheru 12:23

kanye nelibandla lematubulo lamabito awo abhaliwe ezulwini. NisembikweMehluleli longuNkulunkulu wabo bonkhe, nakuyo imimoya yalabalungile labaphelelisiwe,

Sembulo 1:2

Nguye futsi lowabhala lelivi laNkulunkulu, afakazela Jesu Khristu ngako konkhe labekubona.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.

Sembulo 14:18

Kwase kuphuma lenye ingilosi elatini, lengilosi inemandla etikwemlilo, nayo yamemeta ngelivi lelikhulu imemeta lona bekaphetse lisikela lelikhaliphako yatsi: “Tfumela lelo sikela lakho, kujutjwe emagelebisi esivinini semhlaba, ngobe lamagelebisi asavutsiwe.”

Sembulo 16:7

Ngase ngiva livi liphuma elatini litsi: “Nkhosi, Nkulunkulu, Somandla! Tiliciniso, futsi timsulwa tehlulelo takho!”

Sembulo 19:10

Ngase ngiwela ngasetinyaweni tayo ngayikhotsama, kodvwa yatsi kimi: “Ungakwenti loko! Nami ngisisebenti kanye nawe nebazalwane bakho labanebufakazi baJesu. Khotsama Nkulunkulu.” Ngobe bufakazi baJesu bunguMoya wesiphrofetho.

Sembulo 2:13

Ngiyati lapho uhlala khona; uhlala lapho Sathane anesihlalo sakhe sebukhosi khona. Libito lami ulibambisisile, awuzange ungihlubuke ngisho namhlazane Antipasi, fakazi wami lowetsembekile, abulawa emkhatsini wenu, lapho kuhlala khona Sathane.

Sembulo 20:4

Ngase ngibona tihlalo tebukhosi, labo bebahleti kuto banikwa emandla ekwehlulela. Ngabona nemiphefumulo yalabo bebancunywe tinhloko ngenca yekufakaza kwabo ngaJesu, nangenca yekushumayela kwabo livi laNkulunkulu. Abazange bavume kusikhonta lesilo nome umfanekiso waso, abazange balwemukela neluphawu lwaso emabuntini abo nasetandleni tabo. Bavuka ekufeni, babusa naKhristu iminyaka leyinkhulungwane.

Sembulo 8:3

Lenye ingilosi yeta yema ngaselatini iphetse sitja segolide semphepho, yanikwa imphepho lenyenti kutsi iyengete iyihlanganise nemithandazo yabo bonkhe labangcwele, inikele ngayo etikwelilati legolide lelalisembikwesihlalo sebukhosi.

Sembulo 9:13

Ingilosi yesitfupha yase ishaya licilongo layo. Ngeva livi liphuma etimphondvweni letine telilati legolide lelisembikwaNkulunkulu,