Sembulo 5:9 - Siswati 1996 Bible

⁹ Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.

Sembulo 5:9 Referencias Cruzadas

Tihlabelelo 144:9

Ngiyawuhlabela kuwe, Nkulunkulu, ngihlabele ingoma lensha, ngishaye ihabhu lenetintsambo letilishumi.

Tihlabelelo 149:1

Simakadze mhlabeleleni ingoma lensha, nimdvumise ebandleni lalabangcwele.

Tihlabelelo 33:3

Mhlabeleleni ingoma lensha, niyidlale ngebuciko, nimemete ngekujabula.

Tihlabelelo 40:3

Wafaka ingoma lensha emlonyeni wami, ingoma yekudvumisa Nkulunkulu wetfu. Labanyenti bayawubona bamesabe, babeke litsemba labo kuSimakadze.

Tihlabelelo 96:1

Hlabelani ingoma lensha kuSimakadze, hlabelani kuSimakadze, mhlaba wonkhe!

Tihlabelelo 98:1

Sihlabelelo. Hlabelani ingoma lensha kuSimakadze, ngobe wente tintfo letinkhulu; wancoba ngesandla sakhe sekudla nangengalo yakhe lengcwele.

Isaya 42:10

Hlabelani ingoma lensha kuSimakadze, netibongo takhe kusukela emikhawulweni yemhlaba, nine lenintjweza ngemikhumbi elwandle, nako konkhe lokukulo, nine tichingi, nani nonkhe lenihlala kuto.

Danyela 3:4

Ummemeteli wevakala amemeta kakhulu, atsi: “Naku lokufanele kutsi nikwente, yebo, nine bantfu, nani tive, nani nonkhe nine bantfu betilwimi tonkhe:

Danyela 4:1

Inkhosi Nebukhadnezari yatfumela nankhu umlayeto kubantfu, netive, nebantfu bato tonkhe tilwimi emhlabeni wonkhe, jikelele, watsi: “Philani nonkhe bekunene!

Danyela 5:19

Ngenca yesikhundla lesiphakeme lamupha sona, bonkhe bantfu, netive, nebantfu bato tonkhe tilwimi babetfutfumela bamesaba. Labo inkhosi leyayifuna kutsi babulawe, yayibabulala; nalabo leyayifuna kubaphephisa, yayibaphephisa; nalabo leyayifuna kubaphakamisela etikhundleni, yayibaphakamisa; nalabo leyayifuna kubatfobisa, yayibatfobisa.

Danyela 6:25

Inkhosi Dariyusi yabhalela bonkhe bantfu, netive, nebantfu bato tonkhe tilwimi emhlabeni wonkhe jikelele, yatsi: “Nginifisela inchubekela embili!

Matewu 20:28

Njengobe neNdvodzana yeMuntfu ayitelanga kukhontwa, kepha yetela kutawukhonta nekunikela ngemphilo yayo, kutsi ibe yinhlawulo yalabanyenti.”

Matewu 26:28

ngobe loku kuyingati yami yesivumelwane, lecitselwe labanyenti kube kutsetselelwa kwetono.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

1 kubaseKorinthe 6:20

natsengwa ngelinani lelikhulu. Ngako-ke mdvumiseni Nkulunkulu emitimbeni yenu.

1 kubaseKorinthe 7:23

Nine nitsengwe nguNkulunkulu ngelinani lelikhulu; ningabi tigcili tebantfu!

Kubase-Efesu 1:7

Ngengati yaJesu sinekuhlengwa nekutsetselelwa kwetono, ngekwengcebo yemusa,

Kubase-Efesu 5:19

Niphendvulane ngemahubo, nangemaculo, nangetingoma takaMoya; nihlabele nidvumise iNkhosi ngenhlitiyo yenu yonkhe.

KubaseKholose 1:14

Kuyo sinekuhlengwa, lokukutsetselelwa kwetono tetfu.

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

KumaHebheru 11:14

Labo labakhuluma kanje, bakubeka ebaleni kutsi bafuna live labo lemdzabo.

2 yaPhetro 2:1

Nakadzeni babevele bakhona baphrofethi bemanga emkhatsini wesive, kanjalo-ke nalapha emkhatsini wenu batawuvela baphrofethi bemanga, labatawungenisa timfundziso temanga letibhubhisako, baphike uMbusi lowabatsenga, ngaloko-ke batawube batidvonsela kubhujiswa lokusheshisako.

1 yaJohane 1:7

Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.

1 yaJohane 2:2

nguye loyinhlawulo yetono tetfu, hhayi tetfu sodvwa, kodvwa netemhlaba wonkhe.

Sembulo 10:11

Ngatjelwa kwatsiwa: “Kufanele uphrofethe ngebantfu labanyenti, nangetive, nangetilimi, nangemakhosi.”

Sembulo 11:9

Kuyawuphela emalanga lamatsatfu nesigamu seloku bantfu bemindeni, netive, netilimi batibuka letidvumbu bangavumi kutsi tingcwatjwe.

Sembulo 13:7

Savunyelwa nekutsi silwe nalabangcwele sibehlule, sanikwa nemandla etikwayo yonkhe imindeni, nebantfu, netilimi, netive.

Sembulo 13:8

Bonkhe labahlala emhlabeni bayawusikhonta, bokhe labo lekwatsi umhlaba ungakasekelwa emabito abo angete abhalwa encwadzini yekuphila yeliWundlu lelahlatjwa.

Sembulo 14:6

Ngase ngibona lenye ingilosi indiza emkhatsini esibhakabhakeni, iphetse liVangeli lelingunaphakadze lekushunyayelwa kulabo labahlala emhlabeni, etiveni tonkhe, nasemindenini yonkhe, nasetilimini tonkhe, nakubantfu bonkhe.

Sembulo 15:3

Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.

Sembulo 17:15

Lengilosi yase itsi kimi: “Lamanti lowabonile, lapho kuhleti khona lengwadla, abantfu, nemindeni, netive, netilimi ngetilimi.

Sembulo 4:11

“Ufanele wena, Nkulunkulu, loyiNkhosi yetfu, kutsi wemukele bukhosi, neludvumo, nemandla, ngobe konkhe kwadalwa nguwe. Konkhe kwenteka ngentsandvo yakho, kwadalwa ngayo.”

Sembulo 5:12

tatihlabela ngelivi lelikhulu titsi: “Lifanele liWundlu lelahlatjwa, kutsi lemukele emandla, nengcebo, nekuhlakanipha, nekuncoba, neludvumo, nebukhosi, nesibusiso!”

Sembulo 5:6

Ngabona liWundlu sengatsi lihlatjiwe. Lalime ngasesihlalweni sebukhosi lesasitungeletwe tidalwa letine nemalunga. LeliWundlu lalinetimphondvo letisikhombisa nemehlo lasikhombisa, lekuyimimoya yaNkulunkulu lesikhombisa leyayitfunyelwe emhlabeni wonkhe.