Sembulo 5:11 - Siswati 1996 Bible

¹¹ Ngatsi ngiyabuka, ngeva livi letingilosi letitungelete sihlalo sebukhosi netidalwa nemalunga. Letingilosi letatitinyenti titigidzi ngetigidzi netinkhulungwane ngetinkhulungwane,

Sembulo 5:11 Referencias Cruzadas

1 Emakhosi 22:19

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi nayo yonkhe imphi yasezulwini ime ngakuye imtungeletile ngesekudla sakhe nangesancele.

Tihlabelelo 103:20

Dvumisani Simakadze, nine tingilosi takhe, nani machawe lanemandla, nine labenta livi lakhe, nilalele kukhuluma kwelivi lakhe.

Tihlabelelo 148:2

Mdvumiseni nine tingilosi takhe, nimdvumise nani nonkhe mabutfo akhe.

Tihlabelelo 68:17

Tincola taNkulunkulu titinkhulungwane letingemashumi netinkhulungwane ngetinkhulungwane, Simakadze usemkhatsini wato ngebukhosi bakhe lobunjengebungcwele baseSinayi.

Danyela 7:10

Kwakugeleta umfula wemlilo, siyalu sawo sicubuka embikwakhe. Tinkhulungwane tetinkhulungwane tatimsingatsile. Tinkhulungwane letilishumi tiphindvwe katinkhulungwane letilishumi tatime embikwakhe. Behluleli bahlala phansi. Tincwadzi tavulwa.

Dutheronomi 33:2

Wakhuluma watsi: “Simakadze wachamuka eSinayi, kwasa kitsi nakavela eSeyiri, wakhanya aseNtsabeni iPharani. Wefika achamuka etinkhulungwaneni talabangcwele, weta kuvutsa umlilo ngasesandleni sakhe sangesekudla.

KumaHebheru 12:22

Kodvwa, esikhundleni saloko, nite entsabeni, Siyoni, ekhaya laNkulunkulu lophilako, eJerusalema yasezulwini, esibhimbini setingilosi letingenawubalwa,

YaJuda 1:14

Enoki lowesikhombisa esitukulwaneni sa-Adamu, wakhuluma kadzeni ngalabantfu watsi: “INkhosi iyawufika kanye netinkhulungwane tetinkhulungwane talabangcwele bayo.

Sembulo 19:6

Ngase ngiva lokwakungatsi livi lesicumbi lesikhulu sebantfu, linjengemsindvo wemanti lamanyenti nanjengekudvuma lokukhulu litsi: “Haleluya! INkhosi yetfu, Nkulunkulu Somandla, iyabusa.

Sembulo 4:4

Sihlalo sebukhosi sasitungeletwe nguletinye tihlalo tebukhosi letatingema-24, lekwakuhleti kuto emalunga langema-24. Lamalunga abembetse tingubo letimhlophe, afake nemichele yegolide etinhloko tawo.

Sembulo 4:6

Embikwesihlalo sebukhosi kwakukhona lokwakunjengelwandle loluyingilazi, lolwalukhanya kubonakale ngale. Kwakutungelete sihlalo sebukhosi kulolo nakulolo luhlendlo, tidalwa letine, leso naleso sinemehlo lamanyenti ngembili nangemuva.

Sembulo 5:14

Tidalwa letine tatsi: “Amen!” Nemalunga onkhe awa phansi akhuleka.

Sembulo 5:6

Ngabona liWundlu sengatsi lihlatjiwe. Lalime ngasesihlalweni sebukhosi lesasitungeletwe tidalwa letine nemalunga. LeliWundlu lalinetimphondvo letisikhombisa nemehlo lasikhombisa, lekuyimimoya yaNkulunkulu lesikhombisa leyayitfunyelwe emhlabeni wonkhe.

Sembulo 5:8

Latsi kube liyitsatse lencwadzi, letidalwa letine kanye nemalunga langema-24 awa phansi embikweliWundlu, lelo nalelo liphetse ihabhu, netitja tegolide tigcwele imphepho lengimithandazo yalabangcwele.

Sembulo 7:11

Tonkhe tingilosi tema tatungeleta sihlalo sebukhosi, nemalunga, netidalwa letine, tawa phansi ngebuso embikwesihlalo sebukhosi, takhonta Nkulunkulu,

Sembulo 9:16

Ngeva kutsi lamabutfo labegibele emahhashi abengahle abe tigidzi letingema-200.