Sembulo 3:15 - Siswati 1996 Bible

¹⁵ Ngiyayati imisebenti yakho, awucandzi, awushisi. Maye, bengingatsandza kutsi umane ushise nome ucandze!

Sembulo 3:15 Referencias Cruzadas

1 Emakhosi 18:21

Elija wasondzela embikwesive, wafike watsi: “Kuyawuze kube ngunini solomane nindziyatela emkhatsini wemicondvo lemibili? Nangabe Simakadze anguNkulunkulu, landzelani yena; kodvwa nangabe Bhali anguNkulunkulu, landzelani yena.” Kodvwa sive asizange sikhulume.

Taga 23:26

Ndvodzana yami, ngilalele utigcine ngekunakekela tindlela tami.

Hoseya 10:2

Inhlitiyo yabo iyakhohlisana, manje sekufanele baletfwale licala labo. Simakadze utawephula emalati abo, abhidlite nalamatje abo lakhontwako.

Hoseya 7:8

“Efrayimu utihlanganisa netive, Efrayimu ulicebelengwane lelipatalele, lelingakaguculwa.

Matewu 10:37

“Lotsandza uyise nome unina kwengca mine, akangifaneli; nalotsandza indvodzana yakhe nome indvodzakati yakhe kwengca mine, akangifaneli.

Matewu 24:12

Ngekwandza kwekona kuyawuphola lutsandvo kulabanyenti.

Matewu 6:24

“Kute umuntfu longakhonta emakhosi lamabili; ngobe uyakutondza lenye, atsandze lenye; uyakwetsembeka kulenye ayedzelele lenye. Ungeke ukhonte Nkulunkulu nemcebo.

KubaseRoma 12:11

Khutsalani, ningaphelelwa ngumdlandla, nivutse emoyeni, nikhonte iNkhosi.

1 kubaseKorinthe 16:22

Nangabe umuntfu angayitsandzi iNkhosi, akabe ngulocalekisiwe Wota Nkhosi!

2 kubaseKorinthe 12:20

Ngobe ngesaba kutsi mhlawumbe ngiyawutsi ngiyefika lapho kini nginikhandze ningesiko loko lengibheke kutsi nibe ngiko, nami ningikhandze ngingesiko loko lenibheke kutsi ngibe ngiko. Ngesaba kutsi mhlawumbe kunekulwa, nemona, nekutfukutsela, nebugovu, nenkhani, nenhlebo, nekutatisa, nesiphitsiphitsi.

Dutheronomi 5:29

Yebo, shangatsi tinhlitiyo tabo tingatsambela ekungesabeni, bagcine imiyalo yami ngaso sonkhe sikhatsi, khona kutawubahambela kahle bona nebantfwababo kuze kube phakadze!

KubaseFiliphi 1:9

Ngikhulekela loku kutsi lutsandvo lwenu lukhule njalo ekwatini nasekucondzeni konkhe,

2 kubaseThesalonika 1:3

Simele kubonga Nkulunkulu ngani, bazalwane, ngaso sonkhe sikhatsi. Yebo, kufanele simbonge, ngobe kukholwa kwenu kuyakhula kakhulu, nelutsandvo lenitsandzana ngalo luyandza.

YaJakobe 1:8

ungumuntfu lonetinhlitiyo letimbili, uyagucugucuka etindleleni takhe tonkhe.

1 yaPhetro 1:22

Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.

Sembulo 2:2

Ngiyayati imisebenti yakho, nekuphishaneka kwakho, nekubeketela kwakho, nekutsi ungeke ubamele bantfu lababi, kangangekutsi nalabo labatibita ngekutsi baphostoli, kantsi abasibo, ubahlolile, wavele wabakhandza bacala emanga.

Sembulo 2:4

Kodvwa tsine nawe sehlukana la ekutseni wena awusangitsandzi njengobe bewungitsandza kucala.

Sembulo 3:1

“Bhalela ingilosi yelibandla laseSadesi utsi: “ ‘Nali livi leliphuma kuye lonemimoya yaNkulunkulu lesikhombisa, netinkhanyeti letisikhombisa utsi: Ngiyayati imisebenti yakho; unelibito lekutsi uyaphila, kantsi ufile.

Sembulo 3:16

Njengobe usivuvu, ungacandzi ungashisi, ngitakukhafula emlonyeni wami.